قازاقستاننىڭ ىشكى ىستەر ءمينيسترى ەرلان تۇرعىمبايەۆ سوڭعى ۋاقىتتا بالالارعا جاسالىپ جاتقان قىلمىس تۇرلەرىنىڭ ارتىپ بارا جاتقانىنا الاڭداۋشىلىق ءبىلدىردى.

مينيستر الماتى وبلىسى ۇشتوبە قالاسىندا ەكى جاستاعى بالاسىن مۇزداتقىشقا سالىپ قويعان انانىڭ ارەكەتى تۋرالى ايتتى.

"مەنىڭ تاجىريبەمدە، جۇمىس بارىسىندا، وكىنىشكە وراي، جانتۇرشىگەرلىك جاعدايلار مەن قىلمىستار از بولعان جوق. ءبىراق، قاتىگەز انانىڭ مۇنداي قاندىقول قىلمىسقا بارۋى –  كوپ سۇراقتى جاۋاپسىز قالدىرۋدا. بۇگىنگى تاڭدا تەرگەۋ امالدارى ءجۇرىپ جاتىر. ءوز بالاسىنىڭ ءومىرىن ءوزى قيعان انا زاڭدى جازاسىن الادى. ءبىراق، ماڭىزدىسى ول ەمەس. ماڭىزدىسى – بالانىڭ جازىعى قانداي؟ ايتۋعا اۋىز بارمايتىن مۇنداي قىلمىستار نەگە جاسالادى؟ بۇگىنگى تاڭدا شاراسىز شارانانى قوقىسقا تاستايتىن، بالالاردى دالادا قالدىراتىن، ءتىپتى قول جۇمسايتىن فاكتىلەر جيىلەپ كەتتى. بۇعان نازار اۋدارماساق بولمايدى! بالالار – ءبىزدىڭ بولاشاعىمىز. سوندىقتان ولاردى امان-ەسەن باعىپ، ءوسىرۋ – ءار ازاماتتىڭ موينىنداعى پارىز!" دەلىنگەن ءمينيستردىڭ facebook-تەگى جازباسىندا.