ۇكىمەتكە قارسى شىققان شەرۋشىلەردى جازالاۋ ءۇشىن بەلارۋس پوليسياسىنا ادام ولتىرەتىن قارۋلاردى قولدانۋعا رۇقسات بەرىلدى. "مۇنى جەرگىلىكتى ۇكىمەتتىڭ جوعارى لاۋازىمدى ادامى راستادى" دەپ حابارلادى BBC.
ەو سىرتقى ىستەر مينيسترلەرى پرەزيدەنت الەكساندر لۋكاشەنكوعا سانكسيالار سالۋعا دايىن ەكەندەرىن مالىمدەدى.
بەلارۋستتەگى تامىزداعى سايلاۋ ادىلەتسىز ءوتتى دەپ تانىلعان سوڭ ەلدە جاپپاي نارازىلىق باستالدى.
"بەلارۋسسيا بيلىگى نارازىلىقتى باسۋ كەزىندە قاتىگەزدىك پەن ازاپتاۋ قولداندى" دەپ ايىپتالۋدا.
دۇيسەنبىدە ەلدىڭ ىشكى ىستەر مينيسترلىگى زەينەت جاسىنداعى نارازىلىق بىلدىرۋشىلەر قاتىسقان رۇقسات ەتىلمەگەن ميتينگ كەزىندە پوليسيانىڭ گراناتالار مەن كوزدەن جاس اعىزاتىن گازدار اتقانىن راستادى.
مينيسترلىكتىڭ باسپا ءسوز حاتشىسى "ازاماتتار اگرەسسيا جاساي باستاعاننان" كەيىن شارا قولدانىلعانىن ايتتى جانە دەمونسترانتتاردىڭ قاماۋعا الىنعانىن حابارلادى.
پىكىر قالدىرۋ