سولتۇستىك قازاقستان وبلىسىندا كوروناۆيرۋس جۇقتىرعاندار سانىنىڭ وسۋىنە بايلانىستى كارانتين شارالارى كۇشەيتىلدى. بۇل تۋرالى وبلىستىڭ رەسمي سايتى حابارلادى.
"2020 جىلعى 16 قازاندا 00 ساعات 00 مينۋتتەن باستاپ كاسىپكەرلىك جانە (نەمەسە) وزگە دە قىزمەت پەن حالىقتىڭ ءومىرى ءۇشىن ەرەكشە جاعدايلارمەن شەكتەۋ كارانتيندىك شارالاردى كۇشەيتسىن"، دەلىنگەن حابارلامادا.
قاۋلىعا سايكەس سولتۇستىك قازاقستان وبلىسىنىڭ تۇرعىندارى:
- كورشىلەردىڭ، تانىستاردىڭ، تۋىستاردىڭ، ارىپتەستەردىڭ ساپارلارىن شەكتەلسىن؛
- تۇراتىن جەرى بويىنشا وتباسىلىق ءىس-شارالاردى وتكىزۋگە تىيىم سالۋ بەلگىلەنسىن؛
- قوعامدىق ورىنداردا 3 ادامنان (وتباسى مۇشەلەرىن قوسپاعاندا) كەمىندە 2 مەتر قاشىقتىقتاعى توپتاردىڭ بولۋى شەكتەلسىن؛
- جەرلەۋ راسىمدەرى كەزىندە كەمىندە 2 مەتر قاشىقتىقتى ساقتاي وتىرىپ، 30-دان استام ادامنىڭ (نەگىزىنەن وتباسى مۇشەلەرىنىڭ) جينالۋىنا جول
بەرىلمەسىن؛ - رەسپيراتورلىق ينفەكسيانىڭ العاشقى بەلگىلەرى پايدا بولعان كەزدە (قۇرعاق جوتەل، قىزبا، تىنىس الۋدىڭ قيىنداۋى، ەنتىگۋ جانە ت. ب.) جەدەل مەديسينالىق كومەكتى 103 ءنومىرى بويىنشا شاقىرۋ ارقىلى مەديسينالىق ۇيىمدارعا بارماي-اق، ۇيدە دەرەۋ مەديسينالىق كومەككە جۇگىنۋ قاجەت؛
- قازاقستان رەسپۋبليكاسى باس مەملەكەتتىك سانيتاريالىق دارىگەرىنىڭ 2020 جىلعى 26 ماۋسىمداعى № 43-ااكد قاۋلىسىنىڭ 4-قوسىمشاسىنا سايكەس "قازاقستان رەسپۋبليكاسىنىڭ حالقى اراسىندا كوروناۆيرۋستىق ينفەكسيامەن اۋرۋلاردىڭ الدىن الۋ جونىندەگى شارالاردى ودان ءارى كۇشەيتۋ تۋرالى" جەكە قورعانۋ قۇرالدارىن پايدالانۋ جانە كادەگە جاراتۋ الگوريتمىن ساقتاۋعا، ونىڭ ىشىندە:
ا) قوعامدىق ورىنداردا، حالىقتىڭ كەلۋىنە، قىزمەت كورسەتۋىنە جانە دەمالۋىنا ارنالعان ءۇي-جايلاردا، قوعامدىق كولىكتە، مەديسينالىق نەمەسە ماتا بەتپەردەلەرىن كيۋ، بەس جاسقا دەيىنگى بالالاردى، سونداي-اق الەۋمەتتىك قاشىقتىقتى ساقتاۋ كەزىندە قوعامدىق تاماقتانۋ ورىندارىندا تاماق ءىشۋ جاعدايلارىن قوسپاعاندا، مىندەتتى بولىپ تابىلادى؛
ب) قوعامدىق ورىنداردا اشىق اۋادا مەديسينالىق نەمەسە ماتا بەتپەردەلەرىن كيۋ، بەس جاسقا دەيىنگى بالالاردى جانە الەۋمەتتىك قاشىقتىقتى ساقتاۋ كەزىندە 5 ادامنان اسپايتىن جەكە، توپتىق سپورتپەن شۇعىلداناتىن ادامداردى قوسپاعاندا، مىندەتتى بولىپ تابىلادى.
پىكىر قالدىرۋ