الماتى قالاسىنىڭ باس مەملەكەتتىك سانيتار دارىگەرى جانداربەك بەكشين كوروناۆيرۋس ينفەكسياسىنىڭ الدىن الۋ ماقساتىندا جاڭا قاۋلى شىعارعانى حابارلاندى.

قاۋلىعا سايكەس:

• وتباسىلىق، سالتاناتتى جانە ەستەلىك (بانكەتتەر، ۇيلەنۋ تويلارى، قالىڭدىقتى شىعارىپ سالۋ، مەرەيتويلار، ەسكە الۋ) بۇقارالىق ءىس-شارالاردى وتكىزۋگە تىيىم سالۋ ساقتالادى.
• مادەني جانە ويىن-ساۋىق سيپاتىنداعى ءتۇرلى قىزمەتتەردى (كاراوكە، كاليان، بيليارد، تۇنگى كلۋبتار، بوۋلينگ-ورتالىقتار، جابىق ءۇي-جايلارداعى اتتراكسيوندار، فۋد-كورتتار، كينوتەاترلار، بالالار ويىن الاڭدارى مەن باتۋتتار) ۇسىناتىن مادەني-دەمالىس مەكەمەلەرىنىڭ، سونداي-اق دەمالىس كۇندەرى ازىق-تۇلىك جانە ازىق-تۇلىك ەمەس جابىق بازارلاردىڭ جۇمىسىنا تىيىم سالۋ ساقتالادى.
• زاڭدى تۇلعالار، كاسىپكەرلىك سۋبەكتىلەرى، ولاردىڭ ۇيىمدىق-قۇقىقتىق نىسانىنا جانە ۆەدومستۆولىق باعىنىستىلىعىنا قاراماستان، قىزمەتكەرلەردىڭ كەمىندە 30 پايىزىن قاشىقتىقتان جۇمىس ىستەۋ فورماتىنا كوشىرۋدى قامتاماسىز ەتۋ قاجەت (شتات كەستەسى 30 ادامنان استام بولعان كەزدە).

سونداي-اق ول قالانىڭ قوعامدىق دەنساۋلىق باسقارماسى سيمپتومسىز جانە جەڭىل نىسانداعى كۆي-مەن، سونىمەن قاتار انىقتالماعان پنيەۆمونيامەن اۋىراتىن ناۋقاستاردى ۇيدە وقشاۋلاۋدى، ساقتاۋ شارتتارىن مىندەتتى تۇردە ورىنداۋ تۋرالى قولحات بەرۋدى قامتاماسىز ەتۋ قاجەتتىگىن اتاپ ءوتتى.

قۇجاتتىڭ تولىق نۇسقاسىن مىنا سىلتەمە ارقىلى كورە الاسىز