اۋىل شارۋاشىلىعى ءمينيسترى اقىلبەك قاجىعۇل ۇلى قازىرگى ۋاقىتتا اۋىلداردا ينتەرنەت ساپاسىنىڭ ناشارلىعىن ايتىپ، سيفرلىق دامۋ، يننوۆاسيالار جانە اەروعارىش ونەركاسىبى ءمينيسترى باعدات مۋسينعا سۇراق قويدى.

– سىزدەردىڭ مالىمەتتەرىڭىز بويىنشا اۋىلدىق ەلدى مەكەندەردىڭ 69 پايىزى ينتەرنەت جەلىسىمەن قامتاماسىز ەتىلگەن. ءبىز اۋىلدىق ايماقتاردى دامىتۋ بويىنشا الدىمىزداعى 23ء-شى قازاندا بولاتىن پارلامەنتتىك تىڭداۋدىڭ اياسىندا، سول اۋىلداردا ارنايى ساۋالناما جۇرگىزدىك. رەسپوندەنتتەردىڭ بىرەۋى دە اۋىلدا ينتەرنەتتىڭ ساپالى ىستەپ تۇرعانىن ايتپادى. ەندى قاشان بۇل اۋىلداردا ساپالى ينتەرنەت بولادى؟ ناقتى جاۋاپ بەرسەڭىز، – دەدى اۋىل شارۋاشىلىعى ءمينيسترى.

مينيستر باعدات ءمۋسيننىڭ ايتۋىنشا، بۇگىن 1200 اۋىلعا ينتەرنەت جەلىسى تارتىلعان.

– ول باسەكەلەستىك ورتا. ءبىز مينيسترلىك بولىپ وعان بارىپ ينتەرنەت بەرىپ جاتقانىمىز جوق. ليسەنزيا، رادوجىلىكتەردى بەردىك. ال، ولاردى باقىلاۋ ءۇشىن ءتيىستى قۇزىرەتتىلىككە وزگەرىستەر ەنگىزۋ قاجەت. باقىلاۋ نورمالارىن كۇشەيتۋ كەرەك. ەگەر دە ينتەرنەت ۇستاپ تۇرسا، ونى بار دەپ ساناۋعا ءماجبۇرمىز. ءبىز ولارعا ايىپپۇل دا بەرە المايمىز، ءماجبۇرلى ارەكەتتەر دە قولدانا المايمىز. سوندىقتان ءبىرىنشى زاڭعا وزگەرىستەر ەنگىزۋ قاجەت. ەكىنشىدەن، ءسىز قاشان دەپ سۇراپ جاتىرسىز. ول كەزەڭ-كەزەڭمەن بولاتىن نارسە. بۇگىن 1200 اۋىلعا وپتيكا جەتتى. وپتيكالىق ينتەرنەت – ەڭ جاقسىسى. ال، باسقا اۋىلدار دا وپتيكا جوق. سوندىقتان وپتيكا جوق جەردە ساپانى كوتەرۋ ماسەلەسىن قولعا الۋ قيىن بولادى. ءقازىر 1200 اۋىلعا وپتيكا جەتكىزۋدە 75 ملرد تەڭگە كەتتى. ءارى قاراي بارلىق جەرگە وپتيكانى تارتۋ ءۇشىن تاعى 200-300 ملرد تەڭگە قاراجات كەرەك. سوندىقتان بۇل سالادا ناقتى شارالار جوسپارى بار. ءبىراق قالاداعىداي ساپاسى جاقسى بولۋى ءۇشىن بارلىق جەرگە وپتيكا قاجەت، – دەپ اتاپ ايتتى مۋسين.