كوروناۆيرۋس العاش رەت مۇزداتىلعان ونىمدەردەن تابىلدى

/image/2020/10/18/crop-7_9_376x569_1597216766_bloombergquint_2020_06_5ba7e7cf_26a4_4e6e_a7e5_e55cd561446d_351495645

قىتايدا العاش رەت COVID-19 ءتىرى ۆيرۋسى مۇزداتىلعان تەڭىز ونىمدەرىنىڭ قاپتاماسىنان تابىلدى. بۇل تۋرالى قىتايدىڭ اۋرۋلاردى باقىلاۋ جانە الدىن الۋ ورتالىعى مالىمدەدى، دەپ حابارلادى ريا نوۆوستي.

سينداوداعى كوروناۆيرۋس ينفەكسياسىن جاڭادان جۇقتىرعانداردى زەرتتەۋ بارىسىندا ورتالىق ساراپشىلارى يمپورتتالعان مۇزداتىلعان ترەسكانىڭ سىرتقى قاپتاماسىنا جاسالعان سىنامادان ءتىرى ۆيرۋس تابىلعان.

ۆەدومستۆو زەرتحانادان تىس جەردە مۇزداتىلعان ونىمدەردى تاسىمالداۋ كەزىندە COVID-19 قاپتامادا ۇزاق ۋاقىت ءومىر سۇرە الاتىنى دالەلدەنگەنىن ءتۇسىندىردى.

ءتىرى ۆيرۋس بار ونىممەن قورعانىسسىز بايلانىس ورناتقاندا ينفەكسيا جۇقتىرۋ ءقاۋپى بار. ءبىراق مۇنداي ىقتيمالدىق وتە تومەن دەپ باعالانادى.

– قازىرگى ۋاقىتتا قول جەتىمدى زەرتتەۋلەر COVID-19 تاماق ارقىلى بەرىلەتىن ىندەت ەمەس ەكەندىن ايتادى. بۇگىنگى كۇنگە دەيىن ۆيرۋس تابىلعان مۇزداتىلعان تەڭىز ونىمدەرىمەن بايلانىس ارقىلى ينفەكسيا جاعدايلارى دا انىقتالعان جوق، – دەپ اتاپ ءوتتى ورتالىقتاعىلار.

اۋرۋلاردىڭ الدىن الۋ ورتالىعى ءقاۋىپ توبىنداعى قىزمەتكەرلەرگە مۇزداتىلعان ونىمدەرمەن بايلانىستا جەكە قورعانىس شارالارىن ارتتىرۋدى ۇسىندى.

پىكىر قالدىرۋ

قاتىستى ماقالالار