قازاقستاننىڭ ىشكى ىستەر ءمينيسترى ەرلان تۇرعىمبايەۆ وڭىرلەردەگى پوليسيا دەپارتامەنتى باسشىلارىنىڭ Facebook پاراقشالارىن جاريالادى.
– حالىقتىڭ مۇڭ-مۇقتاجىن تىڭداپ، سونى شەشۋگە ارەكەت ەتۋ، تۇرعىندارمەن كەرى بايلانىس جاساۋ: مەملەكەت باسشىسىنىڭ "حالىقتىڭ ۇنىنە قۇلاق اساتىن مەملەكەت" اتتى تۇجىرىمداماسىنىڭ باستى ماقساتى – وسى. بۇگىنگى تاڭدا مەنىڭ اتىما كەلىپ ءتۇسىپ جاتقان سۇراقتار از ەمەس. وسىعان وراي مەنىڭ تاپسىرماممەن "فەيسبۋك" الەۋمەتتىك جەلىسىنە اۋماقتىق پوليسيا دەپارتامەنتتەرىنىڭ باسشىلارى دا تىركەلگەنىن جەتكىزەمىن. سىزدەر تومەندەگى سىلتەمەلەر ارقىلى ءوز وبلىستارىڭىزداعى پوليسيا دەپارتامەنتىنىڭ باسشىسىمەن تىكەلەي بايلانىسا الاسىزدار. حالىق ءۇنى نازاردان تىس قالماۋعا ءتيىس، – دەدى مينيستر.
پىكىر قالدىرۋ