قازاقستاننىڭ پرەمەر-مينيسترى اسقار مامين ەلدەگى سانيتارلىق-ەپيدەميولوگيالىق احۋالعا قاتىستى ءبىرقاتار تاپسىرما بەردى. بۇل تۋرالى مينيسترلىكتىڭ رەسمي سايتى مالىمدەدى.

رەسمي سايتتىڭ حابارلاۋىنشا، 18 قازانداعى جاعداي بويىنشا 102 ادامنان كوروناۆيرۋس انىقتالعان (ءوسۋ قارقىنى – 0،09%)، جۇقپالى اۋرۋلارعا ارنالعان توسەك-ورىنداردىڭ 16%-ى پايدالانىلۋدا. 2020 جىلعى 14-18 قازان ارالىعىنداعى رەپرودۋكتيۆتىلىك كورسەتكىشى 1،03%-دان 0،96%-عا دەيىن تومەندەدى. سوڭعى 3 اپتادا ەلدە 17 مىڭعا جۋىق رەيد جۇرگىزىلىپ، 7 مىڭنان استام كارانتين رەجيمىن بۇزۋ فاكتىسى انىقتالعان.

ۇكىمەت باسشىسى تۇرعىنداردىڭ ءالى كۇنگە دەيىن كوروناۆيرۋستىڭ قاۋپىنەن تولىق ساقتانبايتىنىن، الەۋمەتتىك ارا قاشىقتىقتى ساقتاۋ رەجيمى مەن اسىرەسە، قوعامدىق ورىندار مەن كولىكتەردە مىندەتتى تۇردە ماسكا تاعۋ ماسەلەسىندە سانيتارلىق تالاپتاردىڭ جەتكىلىكتى ساقتالمايتىنىن اتاپ ءوتتى. وسىعان بايلانىستى ۇكىمەت باسشىسى ازاماتتار اراسىندا ءاقپاراتتىق-تۇسىندىرۋ جۇمىستارىن كۇشەيتۋدى تاپسىردى.

ۆەدومستۆوارالىق كوميسسيا تومەندەگىدەي شەشىمدەر قابىلداعانى حابارلاندى. 

ءى. شەكارادان وتكىزۋ پۋنكتتەرىندە سانيتارلىق-ەپيدەميولوگيالىق باقىلاۋدى كۇشەيتۋ 

26 قازاننان باستاپ شەت ەلدەردەگى ەپيدەميولوگيالىق احۋالدى ەسكەرۋمەن شەتەلگە ۇشاتىن اۋە رەيستەرىنىڭ سانىن قىسقارتۋ؛

قازاقستان اۋماعىنا كەلگەندەردىڭ بارلىعىن (سونىڭ ىشىندە ق ر ازاماتتارىن)، سونداي-اق ەكىجاقتى حالىقارالىق تاسىمالداردى جۇزەگە اسىراتىن جۇرگىزۋشىلەردى مىندەتتى پتر-تەستىلەۋدەن وتكىزۋ؛

شەتەلدەن كەلۋشىلەرگە، ونىڭ ىشىندە ق ر ازاماتتارى ءۇشىن دە پتر تەستىدەن وتكەنى تۋرالى انىقتامانىڭ جارامدى مەرزىمىن 3 كۇنگە دەيىن بەلگىلەۋ

II. پتر-تەستىلەۋ

19 قازاننان باستاپ ق ر كوپتەگەن وڭىرلىك زەرتحانالارىندا پتر-تەستىلەۋ قۇنى 9 مىڭ تەڭگەگە دەيىن تومەندەتىلدى. 

III. سىرقاتتانۋشىلىق ءوسىمى بولماعان جاعدايدا، "جاسىل" تۇراقتى ەپيدەميولوگيالىق احۋالى بار وڭىرلەردە بيزنەس سۋبەكتىلەرىنىڭ قىزمەتىن كەزەڭ-كەزەڭمەن قايتا جانداندىرۋ

24 قازاننان باستاپ سەنبى كۇندەرى ساعات 17:00-گە دەيىن سوسو، ساۋدا ۇيلەرى، جابىق بازارلار جۇمىس ىستەي باستايدى.

بيىلعى 26 قازاننان باستاپ كينوتەاترلار قاشىقتىقتى جانە ماسكا تاعۋ رەجيمىن ساقتاي وتىرىپ، 30%-دان اسپايتىن تولىعۋمەن جۇمىسىن قايتا باستايدى.

IV. شەكتەۋ شارالارىن ساقتاۋ

مەكتەپكە دەيىنگى بالالار مەكەمەلەرىنىڭ، بيليارد جانە كومپيۋتەر كلۋبتارىنىڭ، ويىن-ساۋىق مەكەمەلەرىنىڭ، بانكەت زالدارىنىڭ، تۇنگى كلۋبتاردىڭ قىزمەتىنە سالىنعان تىيىم ساقتالادى. وبلىسارالىق جولاۋشىلار تاسىمالدارىنا جانە ورتاق ۆاگونداردى قۇرۋعا تىيىم سالۋ جالعاسادى.