تۇركيا پرەزيدەنتى رەجەپ تايىپ ەردوعان تۇرىكتەردى فرانسۋز تاۋارلارىنا بويكوت جاريالاۋعا شاقىردى. بۇل تۋرالى BBC حابارلادى.
جاقىندا فرانسيانىڭ راديكالدىق يسلامعا قاتىستى قاتاڭ ۇستانىمىنا قاتىستى داۋ تۋعان.
ەردوعان تەلەديدار ارقىلى سويلەگەن سوزىندە فرانسيادا مۇسىلماندارعا قارسى قىسىم جاسالعان جاعدايدا الەم ليدەرلەرىن مۇسىلمانداردى قورعاۋعا شاقىردى.
ول فرانسيا پرەزيدەنتى ەممانۋەل ماكروندى راديكالدىق يسلامعا قارسى زايىرلىلىقتى قورعاۋعا ۋادە بەرگەنى ءۇشىن اشۋلانىپ سىنعا الدى.
جاقىندا عانا مۇحاممەد پايعامبار تۋرالى مۋلتفيلمدەر كورسەتكەنى ءۇشىن فرانسۋز ءمۇعالىمى ولتىرىلگەن. ءمۇعالىم 16 قازان كۇنى ءسوز بوستاندىعى تۋرالى ساباق كەزىندە وقۋشىلارعا سۋرەتتەر ۇسىنعان. ارتىنشا ءپاريجدىڭ سىرتىندا 18 جاسار ابدۋللاح انزوروۆ ءمۇعالىمنىڭ باسىن كەسىپ تاستاعان.
ماكرون قايتىس بولعان مۇعالىمگە قۇرمەت كورسەتتى جانە فرانسيا "ءبىزدىڭ مۋلتفيلمدەردەن باس تارتپايدى" دەدى.
مۇحاممەد پايعامباردىڭ بەينەلەرى يسلامدا تىيىم سالىنعان دەپ سانالادى جانە كوپتەگەن مۇسىلماندارعا جاعىمسىز اسەر ەتەدى.
ءبىراق "مەملەكەتتىك زايىرلىلىق نەمەسە لاسيتتىك كوزقاراس فرانسيانىڭ ۇلتتىق بىرەگەيلىگى ءۇشىن ماڭىزدى. بەلگىلى ءبىر قوعامداستىقتىڭ سەزىمىن قورعاۋ ءۇشىن ءسوز بوستاندىعىن تەجەۋ بىرلىككە نۇقسان كەلتىرەدى" دەيدى فرانسۋز مەملەكەتى.
پىكىر قالدىرۋ