پرەمەر-مينيستردىڭ باسپا ءسوز قىزمەتى بۇعان دەيىن ادىلەت مينيسترلىگىنىڭ جاۋاپتى حاتشىسى قىزمەتىن اتقارعان ازامات امىرعالييەۆ ادىلەت ۆيسە-مينيسترى بولىپ تاعايىندالعانىن حابارلادى.

– ۇكىمەتتىڭ قاۋلىسىمەن امىرعالييەۆ ازامات حاليمەدەن ۇلى قازاقستان رەسپۋبليكاسىنىڭ ادىلەت ءمينيسترىنىڭ ورىنباسارى بولىپ تاعايىندالدى، – دەلىنگەن حابارلامادا.

بۇعان دەيىن ول ادىلەت مينيسترلىگىنىڭ جاۋاپتى حاتشىسى قىزمەتىنەن بوساتىلعان.

ادىلەت مينيسترلىگىنە كەلگەنگە دەيىن ول قازاقستان پرەزيدەنتىنىڭ اكىمشىلىك ءبولىمىنىڭ اپپارات جەتەكشىسى بولعان (2017 جىلدىڭ قاڭتارىنان باستاپ). 2011 جىلدان باستاپ پرەزيدەنت كەڭسەسىندە جۇمىس ىستەدى، وندا قۇقىقتىق، ۇيىمداستىرۋشىلىق، كادرلىق ماسەلەلەردى باسقارعان.

ازامات امىرعالييەۆ 1976 جىلى 24 قازاندا الماتى قالاسىندا دۇنيەگە كەلگەن. 1998 جىلى قازاق قۇقىق جانە حالىقارالىق قاتىناستار ينستيتۋتىن حالىقارالىق قۇقىق ماماندىعى بويىنشا ءبىتىردى. ەڭبەك جولىن 1998 جىلى ادىلەت مينيسترلىگى زاڭناما جانە حالىقارالىق قۇقىق دەپارتامەنتىنىڭ زاڭ جوبالارى جانە قۇقىقتىق ساراپتاما ءبولىمىنىڭ اعا مامانى بولىپ باستاعان.

2003-2006 جىلدارى – زياتكەرلىك مەنشىك قۇقىعى كوميتەتى ءتوراعاسىنىڭ ورىنباسارى، قازاقستان رەسپۋبليكاسى ادىلەت مينيسترلىگىنىڭ تىركەۋ قىزمەتى ءتوراعاسىنىڭ ورىنباسارى.

2006-2009 جىلدارى – پارلامەنت ءماجىلىسى زاڭناما ءبولىمى باسشىسىنىڭ ورىنباسارى.

2009-2011 جىلدارى – "اليانس بانك" اق كورپوراتيۆتىك حاتشىسى.

2011-2017 جىلدارى – قازاقستان رەسپۋبليكاسى پرەزيدەنتى اكىمشىلىگىنىڭ زاڭ ءبولىمىنىڭ مەڭگەرۋشىسى.