2 قاراشا كۇنى "الماتى" تەلەارناسىندا "وتكىنشى جاڭبىر" اتتى جاڭا تەلەحيكايا كورەرمەندەرگە جول تارتادى، دەپ حابارلايدى قامشى ءتىلشىسى.

ءتۇسىرىلىم توبىنىڭ ايتۋىنشا، «وتكىنشى جاڭبىر» حيكاياسى تاعدىر تالكەگىمەن الماتىدا كەزدەسىپ، جاقىن دوس بولىپ، ورتاق ءىس اشاتىن ەكى ءتۇرلى ايەلدىڭ تاعدىرى مەن ولاردىڭ ارماندارى تۋرالى باياندايدى. سول ۋاقىت ارالىعىندا ولار وزگەرەدى، جەكە تۇلعا رەتىندە وسەدى، قيىندىقتاردى جەڭىپ، تابىسقا جەتەدى. بۇل ومىردە ءبارى مۇمكىن ەكەنىن دالەلدەيدى.

تەلەحيكايانىڭ رەجيسسەرى – دارحان ساركەنوۆ. باستى رولدەردە المات ساقاتوۆ، نۇرگۇل مىڭعاتوۆا جانە سالتانات باقايەۆا سەكىلدى ارتىستەر ويناعان.

نۇرگۇل مىڭعاتوۆا، اكتريسا:

بۇل جوبانىڭ پروديۋسەرى ءفيلمنىڭ باستى يدەياسىن ءتۇسىندىرىپ، مەنىڭ كەيىپكەرىمنىڭ مىنەزى جايلى ايتىپ بەردى. ءرول ءوز باسىما ۇنادى. شىنىمەن دە ايەل ادامداردىڭ باسىنان وتەتىن پروبلەما كوپ. سول ءۇشىن ول جان-جاقتى بولۋى كەرەك. ياعني، ءۇيدىڭ دە جۇمىسىنا كوڭىل ءبولۋ، سىرتتا دا ءوزىنىڭ وقىعان ماماندىعىمەن جۇمىس ىستەۋ. بىلەسىزدەر عوي، قازاقتاردا ايەل ۇيدە وتىرۋ كەرەك، ءۇي شارۋاسىنا قاراۋى كەرەك، بالا تاربيەسىنە كوڭىل ءبولۋى كەرەك. ءبىراق تا ءقازىر زامان تالابى باسقا. ايەل ادامداردىڭ كوبى بارىنە ۇلگەرەدى. مەنىڭ كەيىپكەرىم جان-جاقتى بولۋى ءۇشىن بارىن سالماق.  4 بالاسى بار، جاعدايى ءبارى جاقسى. تەك ءوزىنىڭ جەكە كاسىبىن اشقىسى كەلەدى. ادامدارمەن ارالاسىپ، تانىمىن كەڭەيتۋگە تىرىسادى. سول جولدا الدىنان كوپتەگەن كەدەرگىلەر شىعادى. ايەل ادام قىرىق جاندى دەيدى عوي، ونىڭ ءبارىن تۇبىندە جەڭىپ، ومىرىندە وتباسى مەن جۇمىستىڭ اراسىندا تەپە-تەڭدىك ورنايدى. كەيىپكەرىمنىڭ بولمىسى ماعان ۇنادى.

المات ساقاتوۆ، اكتەر:

بۇل جوبا – وتە كەرەك جوبا. ويتكەنى وتان – وشاقتان باستالادى. ەرلى-زايىپتىلار اراسىندا نە بولمايدى. بىرىگىپ، وتباسى بەرىكتىگى ءۇشىن اتسالىسۋ وتە ماڭىزدى. بالالاردى اياققا تۇرعىزىپ، ادام ەتۋ دە ۇلكەن جاۋاپكەرشىلىك. جۇمىس دەپ ءجۇرىپ، وتباسىنا كوڭىل بولە الماي نەمەسە جۇمىستاردى ىسىرىپ قويىپ، تەك وتباسىنىڭ قاسىندا بولىپ جاتامىز. قاراپ وتىرساق، تەپە-تەڭدىكتى ۇستاپ تۇرۋ وتە قيىن. وسى جانە وتباسىندا بولاتىن وزگە دە ماسەلەلەر قوزعالادى. سەريالدىڭ اتى ماعان ۇنايدى. ويتكەنى ءومىردىڭ ءبارى وتكىنشى، ءار ءسات باعالى.

ايكەرىم  سامالبەك قىزى، پروديۋسسەر:

تەلەحيكايانىڭ «وتكىنشى جاڭبىر» دەپ اتالۋ سەبەبى، كەز-كەلگەن وتباسىندا، ادامدا پەندە بولعاننان كەيىن قانداي دا ءبىر ماسەلەلەر، پروبلەمالار، قيىندىقتار بولادى. سول وتكىنشى جاڭبىر سياقتى وتەدى دە كەتەدى. ەڭ باستى قۇندىلىقتار ول وتباسى بالا-شاعا، سىيلاستىق، دوستىق، تۋىستىق قارىم-قاتىناس ماڭگى قالادى. تەلەحيكايانىڭ نەگىزگى يدەياسى، كورەرمەنگە جەتكىزەر وي وسى بولاتىن. سوندىقتان تەلەحيكايا «وتكىنشى جاڭبىر» دەپ اتالادى.

تەلەحيكايا الماتى قالاسىنىڭ "باقىتتى وتباسى"، "ەڭبەك"، "ىسكەر انا"، "باستاۋ بيزنەس" سياقتى الەۋمەتتىك جوبالارىن ىسكە اسىرىپ، سونداي-اق شەتسىز قالا تۇجىرىمداماسىن العا قويادى.