تhe New York Times باسىلىمى قازاقستان تۋرالى «Kazahstan، Reserving Itself، Emraces Borat as Very Nice» اتتى ماتەريال جاريالادى، دەپ حابارلادى BAQ.kz سايتى. 

امەريكالىق تhe New York Times باسىلىمى 26 قازاندا Very Niسe جارنامالىق كامپانياسىنا قاتىستى قازاقستان تۋرالى «Kazahstan، Reserving Itself، Emraces Borat as Very Nice» اتتى ماتەريال جاريالادى. ونى Kazakh Tourism ۇلتتىق كومپانياسى ۇيىمداستىرعان، دەپ حابارلايدى nytimes.com.

جارنامالىق كامپانيانىڭ تۇجىرىمداماسى مەن ستراتەگياسى شەتەلدىك ساياحاتشىلاردىڭ نازارىن اۋدارۋ ءۇشىن ساشا بارون كوەننىڭ قازاقستانداعى ويدان شىعارىلعان جۋرناليست بورات ساعدييەۆتىڭ قاتىسۋىمەن تۇسىرىلگەن ەكىنشى ءفيلمىنىڭ رەزونانستىق كورسەتىلىمىن پايدالانۋ بولىپ وتىر. ناۋقاننىڭ ۇرانى رەتىندە بوراتتىڭ «Very Nice!» دەگەن ايگىلى تىركەسى الىنعان، وسىلايشا، ءفيلمنىڭ تانىمال پرەمەراسى ەلىمىزدىڭ ءتۋريزمى پايداسىنا شەشىلە باستادى، – دەپ ءتۇسىندىردى Kazakh Tourism ۇلتتىق كومپانياسىنىڭ باسپا ءسوز قىزمەتى.

ۆيرۋستىق روليك يدەياسىنىڭ اۆتورى - قازاقستاندا تۇراتىن امەريكالىق ازامات دەننيس كين. ول ەتنوگراف جانە ەل ىشىندە ءجيى ساياحاتتايدى. سوندىقتان ول قازاقستاننىڭ تابيعاتى مەن ءتۋريزمى تۋرالى جارنامالىق روليك ءتۇسىرۋدى ۇيعارادى.

امەريكالىقتار قازاقستان تۋرالى بىلە قويمايدى، سوندىقتان ساشا بارون كوەن ءفيلمىنىڭ شىعۋى پايداعا استى. مەن ءوز ۇيىمدە، كاليفورنيادا قازاقستان تۋرالى ايتقان كەزدە، ءبارى ماعان بوراتتىڭ ينتوناسياسىمەن «Very Nice!» دەيتىن ەدى. ول كەزدە بۇل جاي عانا اقىماق ءازىل، فيلمدەگى تىركەس قانا بولدى. ءبىزدىڭ جارنامالىق بەينەلەرىمىزدە الەمنىڭ ءار تۇكپىرىندەگى ادامدار بوراتتىڭ «وتە جاقسى!» دەگەن ءسوزىن ەستىپ قانا قويماي، قازاقستاننىڭ شىن مانىندە قانداي ەل ەكەنىن جانە ونىڭ شىنىمەن دە «Very Nice!» ەكەنىن كورەدى، – دەدى دەننيس كين.

New York Times گازەتىندە جاريالانعان ماتەريالدىڭ اۆتورى دجوەل ستەين يدەيانىڭ تەرەڭدىگىن جانە بورات پەن ەل باسشىلىعىنىڭ قيىن قارىم-قاتىناسىنا دەگەن جاڭا كوزقاراستى باعالادى. سونداي-اق ول ءوزىنىڭ ماتەريالىندا بارون كوەن قازاقستان ءوزىنىڭ ءفيلمىنىڭ تانىمالدىلىعىنا دەگەن كوزقاراسىن قالاي وزگەرتكەنىن جانە ونى ءوز ءفيلمىنىڭ جارناماسىن اسىرۋعا پايدالانعانىن اتاپ ءوتتى.

بۇل كومەديا جانە مەنىڭ فيلمىمدە ۇسىنىلعان قازاقستاننىڭ ناقتى ەلمەن ەشقانداي بايلانىسى جوق. مەن قازاقستاندى تاڭدادىم، ويتكەنى اقش-تا ەشكىم ول تۋرالى ەشتەڭە بىلمەدى. بۇل ماعان جابايى، كومەديالىق، جالعان الەم قۇرۋعا مۇمكىندىك بەردى. ناعىز قازاقستان – بۇل زاماناۋي، ماقتان تۇتاتىن حالقى بار تاماشا ەل. بورات كورسەتكەن ەلمەن قاراما-قايشى، - دەپ جازدى بارون كوەن The New York Times ەلەكتروندىق پوشتاسىنا.

Kazakh Tourism باسپا ءسوز قىزمەتىنىڭ حابارلاۋىنشا، بەينەروليك The New York Times سايتىنا شىققاننان كەيىن ونداعان ونلاين-باسىلىم جاريالانىمدى قايتا باسىپ شىعارعان، روليك ۆيرۋستىق سيپاتقا يە بولدى. ولاردىڭ ىشىندە: Huffington Post، The Guardian، Insider.com، Forbes.com، Yahoo.com، Cnet.com، avclub.com، IGN.com، Brobible.com، Entertainment Weekly، The Week، Unilad.co.uk، Stuff.co.nz جانە باسقا دا كوپتەگەن باسىلىم بار.