پرەزيدەنت قاسىم-جومارت توقايەۆ قازاقستان رەسپۋبليكاسىنىڭ مەملەكەتتىك رامىزدەرىن كەڭىنەن قولدانۋدى قولدايتىنىن، مەملەكەتتىك رامىزدەردى قولدانۋعا قاتىستى زاڭدى قايتا قاراۋ كەرەكتىگىن جاريالادى.
"پارلامەنتتىڭ ءبىرقاتار دەپۋتاتتارى مەن پاتريوت ازاماتتاردىڭ ەلىمىزدىڭ مەملەكەتتىك رامىزدەرىن، اتاپ ايتقاندا، ق ر مەملەكەتتىك تۋىن كەڭىنەن قولدانۋ تۋرالى ۇسىنىسىن قولدايمىن...قولدانىستاعى زاڭنامادا تۋىمىزدى پايدالانۋعا قاتىستى شەكتەۋلەر بار. مىسالى، پاتەرلەردىڭ بالكونىنا نەمەسە ۇيلەردىڭ قابىرعاسىنا تۋ ىلۋگە تيىم سالىنعان. زاڭنامالىق جانە نورماتيۆتىك اكتىلەردى، ەڭ الدىمەن، مەملەكەتتىك رامىزدەردى پايدالانۋ قاعيدالارىن قايتا قاراۋ قاجەت" دەپ جازدى توقايەۆ ءوزىنىڭ Twitter پاراقشاسىندا.
پىكىر قالدىرۋ