بۇگىن المالى اۋدانىنىڭ ورتالىق ساياباعىندا قارتتار كۇنىنە ارنالعان ءىس-شارا اياسىندا قارت ادامدار ءۇشىن سپورتتىق ءىس-شارالار ۇيىمداستىرىلدى: يوگا، سكانديناۆيالىق ءجۇرىس، فيتنەس بيلەر، ايكۋنە.

المالى اۋدانى اكىمدىگىندە حابارلاعانداي، بۇل ءىس-شارانىڭ ماقساتى ەگدە جاستاعى تۇرعىنداردىڭ دەنساۋلىعىن نىعايتۋعا، بەلسەندى الەۋمەتتىك ومىرگە تارتۋعا جانە جاس ۇرپاققا ۇلگى بولۋ بولىپ تابىلادى. وعان المالى اۋدانىنىڭ 50-گە جۋىق اعا بۋىن وكىلدەرى قاتىستى.

تازا اۋاداعى سپورتتىق شارالار گاندي اتىنداعى ساياباقتا، سوسنوۆىي، پروكوفيەۆ اتىنداعى جاياۋ جۇرگىنشىلەر ايماعىندا وتەدى. سونىمەن قاتار، اۋداننىڭ قۇرمەتتى ازاماتتارىنىڭ قاتىسۋىمەن اعاش وتىرعىزۋ ۇيىمداستىرىلادى.

ايتا كەتۋ كەرەك، بارلىق ءىس-شارالار سانيتارلىق نورمالار مەن قاشىقتىقتى قاتاڭ ساقتاي وتىرىپ جۇرگىزىلەدى.

سونىمەن قاتار، اۋداندا جاستارى جۇزدەن اسقان 12 قارت بار، اۋدان اكىمدىگىمەن قارتتاردى وسىنداي ىس-شارالارمەن كەڭىنەن قامتۋ جۇمىستارى جۇرگىزىلۋدە

«ءبىز قارت ازاماتتاردىڭ وتىنىشتەرىنە ەرەكشە نازار اۋدارامىز. اعا بۋىندى قولداۋعا باعىتتالعان باعدارلامالاردىڭ دامۋىنا بارىنشا جاعداي جاساۋعا تىرىستىق. ءبىزدىڭ ءارقايسىمىزدىڭ پارىزىمىز-قارتتارىمىزدىڭ ءبىزدىڭ قامقورلىعىمىزدى سەزىنتىندەي جاعداي جاساۋ»، — دەپ اتاپ ءوتتى المالى اۋدانى اكىمدىگىندە.

المالى اۋدانىندا بارلىعى 35 945 زەينەتكەر، 33 مۇمكىندىگى شەكتەۋلى ادام جانە ۇلى وتان سوعىسىنا قاتىسۋشىلار، 2473 ەڭبەك مايدانىنىڭ قاتىسۋشىلارى تۇرادى. قارت ادامدار ءۇشىن اۋداندا جەلتوقسان كوشەسى، 29 مەكەن-جايى بويىنشا بەلسەندى ۇزاق ءومىر ءسۇرۋ ورتالىعى جۇمىس ىستەيدى. ورتالىقتا زەينەتكەرلەر ءۇشىن كىتاپحانا، فيتنەس-زال، يوگا، اەروبيكا زالدارى، شاحمات جانە توعىزقۇمالاق ويىندارى اشىلعان، فيلمدەر كورۋ، كومپيۋتەرلىك ساۋاتتىلىققا وقىتۋ ۇيىمداستىرىلعان. اپتا سايىن تەگىن زاڭگەرلىك، پسيحولوگيالىق، مەديسينالىق كەڭەستەر، موتيۆاسيالىق سەمينارلار مەن شەبەرلىك سىنىپتارى وتكىزىلەدى.