فرانسيانىڭ وڭتۇستىگىندە بەلگىسىز بىرەۋ پىشاقپەن ادامدارعا شابۋىل جاساعان دەپ حابارلايدى Qamshy.kz اقپارات اگەنتتىگى euronews.com-عا سىلتەمە جاساپ. شابۋىل سالدارىنان ەكى ادام قايتىس بولدى، بىرنەشە ادام جارالاندى. نيسسا مەرى كريستيان ەستروزي بۇنى تەررورلىق شابۋىل دەپ اتادى.
پوليسيانىڭ تاراتقان مالىمەتىنە سايكەس، قىلمىسكەر ەر مەن ايەلدى شىركەۋدىڭ ىشىندە ءولتىرىپ، تاعى ءبىر ادامدى اۋىر جاراقاتتاعان.
شابۋىل فرانسيا ۋاقىتىمەن ساعات تاڭعى 9-دا، حالىق كوپ جۇرەتىن كوشەدە جاسالعان. فرانسيا پرەزيدەنتى ەممانۋەل ماكرون وقيعا ورنىنا اتتاندى.
فرانسيانىڭ تەرروريزمگە قارسى دەپارتامەنتى ءىستىڭ ءمان-جايىن انىقتاۋ ءۇشىن تەكسەرۋ جۇمىسىن باستاپ كەتتى.
ايتا كەتەيىك، 2016 جىلى دا نيسسادا تەررورلىق شابۋىل جاسالعان. لاڭكەس وتشاشۋدى كورۋگە كەلگەن قالا تۇرعىندارىن جۇك كولىگىمەن باسىپ وتكەن. سالدارىنان 80 ادام قايتىس بولدى، 500 ادام جاراقاتتاندى.
پىكىر قالدىرۋ