سولتۇستىك قازاقستان وبلىسىندا مەردىگەر ۇيىم ديرەكتورىنان 900 مىڭ تەڭگە پارا العان كۇدىكتى ۇستالدى، دەپ حابارلادى سىبايلاس جەمقورلىققا قارسى ءىس-قيمىل اگەنتتىگى.
"سقو اكىمى اپپاراتنىنا قاراستى باسقارمالاردىڭ بىرىندە باسشى مىندەتىن اتقارۋشى تۇلعاعا قاتىستى سوتقا دەيىنگى تەرگەۋدى باستالدى.
ول شارتتارى بۇرىن ناقتى ورىندالعان مەملەكەتتىك ساتىپ الۋ تۋرالى شارت جاساسقانى ءۇشىن مەردىگەر ۇيىم ديرەكتورىنان 900 مىڭ تەڭگە كولەمىندە پارا الۋ كۇدىگىنە ءىلىندى" دەلىنگەن حابارلامادا.
دەپارتامەنتتىڭ مالىمەتىنشە، قازىرگى ۋاقىتتا اتالعان ىسكە قاتىستى تەرگەۋ جۇمىستارى جۇرگىزىلۋدە. ءىس بويىنشا شەشىم تەرگەۋ ارەكەتتەرىنىڭ ناتيجەلەرى بويىنشا قابىلداناتىن بولادى.
پىكىر قالدىرۋ