باعدات قوجاحمەتوۆ دەنساۋلىق ساقتاۋ مينيسترلىگىنىڭ رەسمي وكىلى قىزمەتىنەن كەتتى، دەپ حابارلادى zakon-kz سايتى.

– ءيا، مەن ەندى دەنساۋلىق ساقتاۋ مينيسترلىگىنىڭ رەسمي وكىلى قىزمەتىن اتقارمايمىن. مەن 3 اي بۇرىن دەنساۋلىق ساقتاۋ مينيسترلىگىنە كوروناۆيرۋسپەن اۋىرعاننان كەيىن اق حالاتتىلار الدىنداعى ادامدىق، ازاماتتىق بورىشىمدى وتەۋ ءۇشىن كەلگەنىمدى بىلەسىزدەر. وسى 3 ايدا ءبىز مەديا-ورتالىقتىڭ جۇمىسىن تولىق جولعا قويدىق، دەنساۋلىق ساقتاۋ مينيسترلىگىنىڭ باسپا ءسوز قىزمەتى، اپتا سايىنعى بريفينگتەر وتكىزدىك. ءقازىر ءبارى جۇمىس ىستەپ تۇر، ياعني مەنىڭ فۋنكسيام ورىندالدى. ەندى مەنىڭ ءوز بيزنەس-جوبالارىم بار، ولارعا كوبىرەك كوڭىل ءبولۋىم كەرەك، – دەيدى قوجاحمەتوۆ.

ونىڭ ايتۋىنشا، دەنساۋلىق ساقتاۋ ءمينيسترى الەكسەي سويمەن بىرنەشە اي جۇمىس ىستەۋگە كەلىسكەن. سونداي-اق ول قىزمەتىنەن ەشقانداي جانجالسىز كەتكەنىن ايتتى.

– قانداي داۋ بولۋى مۇمكىن؟ ولار ريزا، بارلىعى باقىتتى، – دەدى ول.

باعدات قوجاحمەتوۆ دەنساۋلىق ساقتاۋ مينيسترلىگىنىڭ رەسمي وكىلى بولىپ 30 شىلدەدە تاعايىندالعان.