فرانسيا پرەزيدەنتى ەممانۋەل ماكرون "تۇركيا ناتو-داعى وداقتاستارىنا سىندارلى پوزيسيا ۇستاندى" دەپ مالىمدەپ، ستامبۇلدىڭ "ايماقتىق يمپەريالىق پيعىلى" بار ەكەنىن ايتىپ ايىپتادى.
سەنبى كۇنى ءال-جازيراعا بەرگەن سۇحباتىندا ماكرون تۇركيانىڭ سيرياداعى، ليۆياداعى جانە جەرورتا تەڭىزىندەگى ارەكەتتەرىن ايىپتاپ "تۇركيا ءوزىنىڭ ناتو-داعى وداقتاستارىنا قاتال قارايدى" دەدى.
ول سونداي-اق فرانسۋز مەكتەبىنىڭ ءمۇعالىمى سامۋەل پاتيني ولتىرىلگەننەن كەيىن الەمدەگى مۇسىلماندارمەن ءورشىپ تۇرعان شيەلەنىستى باسۋعا تىرىستى.
ماكرون فرانسيا جاعدايدىڭ "تىنىشتالۋىن" قالايتىنىن جەتكىزدى، ءبىراق بۇل ءۇشىن "تۇركيا پرەزيدەنتىنىڭ فرانسيانى قۇرمەتتەۋى، ەۋروپالىق وداقتى قۇرمەتتەۋى، ونىڭ قۇندىلىقتارىن قۇرمەتتەۋى، وتىرىك ايتپاۋى جانە بالاعاتتاماۋى ماڭىزدى ەكەنىن ايتتى.
فرانسۋز پرەزيدەنتى تۇركيانىڭ ايماقتىق يمپەريالىق پيعىل بار دەپ ويلايتىنىن جەتكىزگەن.
– مەن تۇركيانىڭ ايماقتا يمپەريالىق پيعىلى بار ەكەنىن ەسكەرتەمىن جانە مەنىڭ ويىمشا، بۇل يمپەريالىق بەيىمدىلىك ايماق تۇراقتىلىعى ءۇشىن جاقسى نارسە ەمەس، – دەدى ماكرون .
پىكىر قالدىرۋ