جەلىدە نۇر-سۇلتان قالاسى دارىگەرىنىڭ COVID-19 جۇقتىرعانى ءۇشىن دارىگەرلەرگە 880 مىڭ تەڭگە مولشەرىندە ايىپپۇل سالىناتىنى تۋرالى پوستى جاريالاندى. تاۋارلار مەن كورسەتىلگەن قىزمەتتەردىڭ ساپاسى مەن قاۋىپسىزدىگىن باقىلاۋ كوميتەتى بۇل اقپاراتتى جوققا شىعاردى، دەپ حابارلادى StopFake سايتى. 

دەنساۋلىق ساقتاۋ مينيسترلىگى دە، تاۋارلار مەن كورسەتىلەتىن قىزمەتتەردىڭ ساپاسى مەن قاۋىپسىزدىگىن باقىلاۋ كوميتەتى دە كوروناۆيرۋس ينفەكسياسىن جۇقتىرعان دارىگەرلەرگە ايىپپۇل سالۋ تۋرالى قاۋلى شىعارعان جوق.

– بۇل – جالعان اقپارات. مەن وسى حابارلامانى جازعان دارىگەرگە حابارلاستىم، ءبىز ءبارىن انىقتادىق. ءقازىر بۇل ماسەلە بويىنشا نۇر-سۇلتان قالاسىنىڭ قوعامدىق دەنساۋلىق ساقتاۋ باسقارماسى شارالار قابىلداۋدا. بىزدە مۇنداي زاڭدار جوق جانە بولمايدى دا. ونى ناقتى ايتا الامىن. ءبىز ءار دارىگەردى باعالايمىز. وسى دارىگەرلەر بىزگە پاندەميامەن كۇرەسۋگە جانە قازاقستاندىقتاردىڭ ءومىرىن ساقتاپ قالۋعا كومەكتەسەدى، – دەدى كوميتەتتىڭ رەسمي وكىلى ەرجان بايتانايەۆ.