باتىس قازاقستان وبلىسى دەنساۋلىق ساقتاۋ باسقارماسىنىڭ باسشىسى بولاتبەك كايۋپوۆ ەكى ايعا قاماۋعا الىندى، دەپ حابارلادى "موي گورود" سايتى.
وبلىستىق پروكۋراتۋرا باسپا ءسوز قىزمەتىنىڭ حابارلاۋىنشا، "باتىس قازاقستان وبلىسىنىڭ دەنساۋلىق ساقتاۋ باسقارماسىنىڭ باسشىسى مەن ونىڭ كومەكشىسىنە قاتىستى ەكى اي مەرزىمگە "كۇزەتپەن ۇستاۋ" تۇرىندەگى بۇلتارتپاۋ شاراسى تاعايىندالعان.
بولاتبەك كايۋپوۆتىڭ ۇستالعانى 29 قازاندا حابارلانعان ەدى. سىبايلاس جەمقورلىققا قارسى ءىس-قيمىل اگەنتتىگىنىڭ تەرگەۋشىسى دانيار بيعايداروۆ كايۋپوۆ سەرىكتەسىمەن بىرگە 2020 جىلعى 12-23 قازان ارالىعىندا كومپانيا ديرەكتورىنان اتقارىلعان جۇمىستاردىڭ اكتىلەرىنە كەدەرگىسىز قول قويۋ جانە مەديسينا جابدىقتارىن (مونيتورلاردى) جەتكىزۋگە جشس-مەن بۇرىن جاسالعان مەملەكەتتىك ساتىپ الۋ تۋرالى شارتتار بويىنشا جالپى سوماسى 78 ملن تەڭگە پارا العانىن مالىمدەگەن.
پىكىر قالدىرۋ