الماتى قالاسىنىڭ سانيتارلىق-ەپيدەميولوگيالىق باقىلاۋ دەپارتامەنتى سايتىندا قالانىڭ باس سانيتار دارىگەرى جانداربەك بەكشيننىڭ جاڭا قاۋلىسى جاريالاندى.

قۇجاتتا قازان ايىندا كۆي جۇقتىرۋ جاعدايى ەكى ەسەگە 165-تەن 360-قا دەيىن وسكەنى ايتىلعان.

كوروناۆيرۋس ينفەكسياسى جاعدايلارىنا ەپيدەميولوگيالىق تەكسەرۋ جۇرگىزىلدى. ناتيجەسىندە ادامدار ىندەتتى ۇجىمدا، قوعامدىق ورىنداردا، سونىڭ ىشىندە كوپقاباتتى تۇرعىن ۇيلەردىڭ كىرەبەرىستەرىندە، قوعامدىق كولىكتە جۇقتىرعانى جانە جاسى 60-تان اسقان ادامدار ءجيى جۇقتىراتىنى انىقتالدى.

قاۋلىعا سايكەس تومەندەگىدەي شارالار قابىلداندى.

– اپتاسىنا 3 رەت كىرەبەرىستەردى، كوپقاباتتى ۇيلەردىڭ باسپالداقتارىن، تۇتقالاردى، قابىرعالاردى، ەسىك تۇتقالارىنا دەزينفەكسيا جاساۋ، بالالار ويىن الاڭدارىن جانە تۇرعىنداردىڭ دەمالاتىن ورىندارىن (ورىندىقتار) ۇيلەردىڭ اينالاسىن كۇندەلىكتى تازالاۋمەن دەزينفەكسيالاۋ كەرەك؛

– قوعامدىق كولىك ءىشىن سوڭعى ايالدامادا مىندەتتى تۇردە دەزينفەكسيالاپ، جۋۋ كەرەك.

– وفيستەر مەن مەكەمەلەردى كۇندەلىكتى دەزينفەكسيا جاساۋ قاجەت.