الماتى قالاسى اكىمىنىڭ ورىنباسارى ەرجان باباقۇماروۆ «Alatay Aqparat» جشس-نە كىرەتىن «Almaty Aqshamy» جانە «ۆەچەرنيي الماتى» گازەتتەرىنىڭ رەداكسياسىندا بولدى.

باسىلىمداردىڭ باس رەداكتورلارىمەن جانە ۇجىمدارىمەن كەزدەسۋى بارىسىندا اعىمداعى ماسەلەلەر جانە گازەتتىڭ دامۋ جوسپارى تالقىلاندى. ەرجان باباقۇماروۆ، سونىمەن بىرگە، مەدياحولدينگتىڭ ماتەريالدىق-تەحنيكالىق بازاسىمەن تانىستى.

«Alatay Aqparat» ج ش س باس ديرەكتورى تىلەمىس قۇلمۇحامەدوۆتىڭ ايتۋىنشا، گازەتتىڭ سيفرلى قۇرالدارىن دامىتۋ، ونىڭ ىشىندە، مۋلتيمەديالىق پورتالدى، ءموبيلدى قوسىمشالاردى، الەۋمەتتىك پابليكتەر جانە باسقا دا زاماناۋي مەديا-فورماتتاردى دامىتۋ بويىنشا جۇمىستار جۇرگىزىلۋدە. بۇل قالالىق گازەتتەردى وقىرماندار قىزىعۋشىلىعىن جانە جەدەل اقپاراتتىق جۇمىستى جاڭا دەڭگەيىنە شىعارۋعا مۇمكىندىك بەرەدى.

ە. باباقۇماروۆ پاندەميا كەزىندە COVID-19 جايىلۋ قاۋپىنە قارسى تۇرعان جەرگىلىكتى اتقارۋشى ورگانداردىڭ، دارىگەرلەردىڭ، سانەپيدەميولوگتاردىڭ، پوليسيا قىزمەتكەرلەرىنىڭ جۇمىسىن جارىققا شىعارىپ بايان ەتكەن جۋرناليستتەردىڭ جۇمىسىن اتاپ ءوتتى. بۇگىنگى كۇنى باسپا قالا تۇرعىندارىن پروفيلاكتيلالىق جانە ەمدەۋ شارالارى تۋرالى، سونداي-اق پاندەميانىڭ بولۋى ىقتيمال ەكىنشى تولقىنى جونىندە دە شۇعىل اقپاراتتاردىرىپ وتىر.

اكىمنىڭ ورىنباسارى ە.باباقۇماروۆ مەملەكەت باسشىسى جاريالاعان ءماجىلىس پەن ءماسليحاتقا سايلاۋ كەزەڭىندە ب ا ق جۇمىسىنىڭ ماڭىزدىلىعىن اتاپ ءوتتى، جانە بارلىق قاتىسۋشىلاردىڭ ۇگىت-ناسيحات شارالارىن تاراتۋدا سايلاۋ زاڭناماسى مەن تەڭدىگىن ساقتاۋعا شاقىردى.

«ۆەچەرنىي الماتى» گازەتى 1936 جىلدىڭ 28-ساۋىرىنەن باستاپ باسىلۋدا،«Almaty Aqshamy»-نىڭ ءبىرىنشى نومەرى 1988 جىلى جارىق كوردى.