اقپارات جانە قوعامدىق دامۋ ءمينيسترى ايدا بالايەۆا باس ءمۇفتي ناۋرىزباي قاجى تاعان ۇلى مەن "حالىق ارنا" تەلەارناسىنىڭ ۇجىمىن ءدىني باسقارمانىڭ ءتول ارناسىنىڭ اشىلۋىمەن قۇتتىقتادى. بۇل تۋرالى muftyat.kz حابارلادى.
مينيستر قازاقستان حالقىن، سونىڭ ىشىندە وسكەلەڭ ۇرپاقتى وتانسۇيگىشتىككە، ىزگىلىك پەن ادامگەرشىلىككە تاربيەلەۋدە تەلەارنانىڭ ماڭىزى وتە زور ەكەنىن اتاپ ءوتتى. سونداي-اق تەرىس ءدىني اعىمداردىڭ ارباۋىنان قورعاۋ ماقساتىندا تەلەارنا قوماقتى ۇلەس قوسىپ، ءدىني-رۋحاني سالاداعى جەتەكشى ارنالاردىڭ ءبىرى بولاتىنىنا سەنىم ءبىلدىردى.
– تەلارنادا ءداستۇرلى دىنمەن قاتار، مادەني تانىمدىق باعىتتاعى كورسەتىلىمدەرگە ورىن بەرىلگەنى قالىڭ جۇرتشىلىقتى قۋانتادى. سەبەبى تاريحتان ءتالىم العان جاستارىمىز اتا-بابالار ۇستانعان ءدىندى، سان عاسىردان بەرى ساباقتاسىپ كەلە جاتقان سالت-داستۇرلەرىن ارداقتاپ، ەرەكشە قۇرمەتتەيتىن بولادى. وسى رەتتە تەلەارنانىڭ ۇجىمىنا شىعارماشىلىق تابىستار تىلەيمىن. "حالىق ارنا" جاقسىلىقتىڭ جارشىسىنا اينالسىن، – دەپ جازدى مينيستر.
پىكىر قالدىرۋ