الماتىداعى №25 قالالىق ەمحانانىڭ باس دارىگەرى ءاليا مازبايەۆا وڭىرلىك كوممۋنيكاسيالار قىزمەتى الاڭىندا وتكەن ونلاين-سۇحبات بارىسىندا كوروناۆيرۋسقا قاتىستى كۇردەلى ەپيدەميالىق جاعدايدى ەسكەرە وتىرىپ، تۇرعىندارعا الدىن الۋ شارالارى تۋرالى ەسكە سالدى.
ا. مازبايەۆانىڭ ايتۋىنشا، كەيبىر ەلدەردە ينفەكسيانىڭ قايتالانۋ جاعدايلارى، اۋرۋدى جۇقتىرۋدىڭ ءوسۋى بايقالادى.
انىقتاما ءۇشىن: تۇركيا پرەزيدەنتى رەجەپ تايىپ ەردوعان كوروناۆيرۋس پاندەمياسىنا بايلانىستى كارانتيندىك شەكتەۋلەردىڭ كۇشەيتىلگەنىن حابارلادى. ەلدە جالپىعا مىندەتتى ماسكا رەجيمى، سونداي-اق الەۋمەتتىك قاشىقتىق ساقتاۋ جانە گيگيەنا شارالارى ەنگىزىلۋدە.
يتاليادا سارسەنبىگە قاراعان ءتۇنى پرەمەر-مينيستر قوعامدىق ومىردەگى جاڭا شەكتەۋلەر تۋرالى دەكرەتكە قول قويدى. اتاپ ايتقاندا، بەيسەنبىدەن باستاپ رەسپۋبليكادا كومەندانتتىق ساعات جۇمىس ىستەي باستايدى: كەشكى وننان كەيىن ازاماتتار ۇيلەرىنەن تەك قاتتى قاجەت جاعدايلاردا عانا شىعا الادى.
شۆەسيا كوروناۆيرۋس ينفەكسياسىن جۇقتىرۋشىلار سانىنىڭ كوبەيۋىنە بايلانىستى ءدامحانالار مەن مەيرامحانالاردا داستارحان باسىندا بىرگە وتىرا الاتىن ادامداردىڭ سانىن 8 ادامعا دەيىن شەكتەدى.
الەمدەگى ەپيدەميالىق احۋالدىڭ قايتا ۋشىعۋىنا بايلانىستى جانە الدىڭعى تاجىريبەنى ەسكەرە وتىرىپ، الماتى قالاسىنىڭ بارلىق ەمحانالارى كوروناۆيرۋستىڭ ىقتيمال جاڭا تولقىنىنا دايىندىقتى قامتاماسىز ەتتى.
ەمحانالاردىڭ جۇمىسىندا COVID-19 بويىنشا اقپاراتتىق جۇمىستارعا، كوروناۆيرۋس ينفەكسياسىن جۇقتىرۋدىڭ ساقتىق شارالارىنا ەرەكشە نازار اۋدارىلادى، ويتكەنى قارت ادامدار، جاس بالالار، جۇكتى ايەلدەر جانە سوزىلمالى اۋرۋلارمەن (استما، قانت ديابەتى، جۇرەك-قان تامىرلارى اۋرۋلارى) اۋىراتىن جانە يممۋنيتەتى السىرەگەن ادامدار اۋرۋعا بەيىم جانە تاۋەكەل (ءقاۋىپ) توبىنا جاتادى.
باس دارىگەر الماتى تۇرعىندارىنا كوروناۆيرۋسقا قارسى الدىن الۋ شارالارىن ەسكە سالىپ، كەلەسى ۇسىنىستاردى بەردى:
- رەسپيراتورلىق ينفەكسيانىڭ ايقىن بەلگىلەرى بار ادامدارمەن، سونداي - اق ادامدار كوپ جينالاتىن ورىندارمەن بايلانىسقا تۇسپەۋ؛
- تىنىس الۋ ورگاندارىن قورعاۋ قۇرالدارىن پايدالانۋ: ءبىر رەتتىك مەديسينالىق ماسكالار، رەسپيراتورلار؛
- تۇشكىرۋ نەمەسە جوتەلۋ كەزىندە تىنىس الۋ ەتيكەتىن ساقتاڭىز؛
مادەني-جاپپاي ءىس-شارالارعا قاتىسپاۋ؛
- قول گيگيەناسىن ساقتاۋ (سابىن جانە انتيسەپتيكالىق قۇرالداردى پايدالانا وتىرىپ)، ونىڭ ىشىندە ادامدار كوپ جينالاتىن ورىندارعا بارعاننان كەيىن؛
- جەدەل رەسپيراتورلىق ۆيرۋستىق اۋرۋدىڭ بەلگىلەرى بولعان جاعدايدا دەرەۋ مەديسينالىق كومەككە جۇگىنىڭىز.
«الدىن الۋ شارالارى ءاربىر ادامعا قاتىستى. COVID-19 جاعدايى ۋشىعا ءتۇستى، الماتىلىقتاردى الدىن الۋ شارالارىن ۇستانۋعا شاقىرامىن. تىنىس الۋ اۋرۋىنىڭ بەلگىلەرى بولعان كەزدە ءوزىن-وزى ەمدەۋدى بولدىرماۋ جانە دارىگەرلەردىڭ كومەگىنە جۇگىنۋ كەرەك. بۇل رەتتە، جوق، ءوز بەتىمەن ەمحاناعا بارىپ، اينالاسىنداعىلارعا جۇقتىرۋدىڭ قاجەتى جوق، دارىگەردى ۇيگە شاقىرۋ كەرەك»، - دەپ اتاپ ءوتتى باس دارىگەر.
حالىقتى كوروناۆيرۋستىڭ جەكە جانە قوعامدىق الدىن الۋ شارالارى تۋرالى حاباردار ەتۋ ەمحانالاردىڭ سايتتارىندا، الەۋمەتتىك جەلىلەردە اقپارات ورنالاستىرۋ ارقىلى جۇرگىزىلەدى. سونىمەن قاتار، ءمامس بويىنشا اقپاراتتىق–ءتۇسىندىرۋ جۇمىستارىن جۇرگىزۋ ءۇشىن بۋكلەتتەر ازىرلەندى.
پىكىر قالدىرۋ