"اسىل ارنا" تەلەارناسى جابىلىپ، 2021 جىلى "ءتالىم تۆ" ارناسى اشىلادى. بۇل تۋرالى جاڭا جانە ەسكى ارنانىڭ ديرەكتورى مۇحاممەدجان تازابەك ورتالىق كوممۋنيكاسيالار قىزمەتىندە مالىمدەدى.

ول  حالىق ەكى ارناعا الاڭداپ قالماس ءۇشىن ءدىني اككاۋنتتاردىڭ بارلىعىن "حالىق ارناعا" تاپسىراتىنىن ايتتى.

– ءبىز كۇتكەن تاريحي ءسات تە كەلدى. بۇگىن سونىڭ كۋاسى بولىپ وتىرمىز. سەبەبى ءدىن دەگەن ۇلكەن امانات، وتە نازىك جانە كۇرمەۋى قيىن ماسەلەلەردىڭ باسىن قۇراعان اۋقىمدى سالا. "شىمشىق سويسا دا قاساپشى سويسىن" دەگەندەي، سول سالانىڭ ماماندارى تىكەلەي وسى شارۋامەن اتسالىسۋىنا ءاردايىم تىلەكتەس بولىپ كەلدىك. "اسىل ارنا" بىلاي دا جۇمىس جاساپ تۇرا بەرۋىنە بولار ەدى. وعان ەشقانداي كەدەرگى نەمەسە وعان ەشقانداي ءبىر ءوتىنىش بولعان جوق. ءبىراق مەن ءوز تاراپىمنان جۇرت اقپاراتتى ءبىر عانا بۇلاقتان السىن، الاڭداماسىن، ەكى ارناعا الاڭداپ، ەنشىسىن شاشىپ الماسىن، ءبىر جەردەن بولسىن دەپ، ءدىني اككاۋنتتاردىڭ بارلىعىن "حالىق ارناعا" تاپسىرامىن دەپ شەشىم قابىلدادىم، – دەدى ول.

الەۋمەتتىك جەلىلەر مەن اقپارات قۇرالدارىندا ءدىني ۇستانىمىنا قاتىستى ايتىلىپ جۇرگەن اڭگىمەلەردىڭ نەگىزسىز ەكەنىن جەتكىزدى.

– ءار ادامنىڭ جەكە كوزقاراسى بولادى. وتكەندە facebook جەلىسىندە، اقپاراتتىق بۇلاق كوزدەرىندە ايتىپ جۇرگەنىمدەي، قاي كەزدەن ءدىني ۇستانىم قمدب ۇستانىمىمەن بىردەي. كوپ جاعدايدا اقپارات سالاسىندا ءارتۇرلى اڭگىمە ايتىلادى. كەيىن ول تەكسەرىلمەگەن حالدە سەنىمەن ورتاقتاسىپ ءبىرازعا دەيىن جۇرەدى. وسى كۇنگە دەيىن دە ءسالافي نەمەسە باسقا باعىتتا دەگەنگە ۇلكەن ءبىر دايەك، فاكت جوق. كەرىسىنشە قمدب-مەن بىرلەسە اتقارعان جوبالارىم، جۇمىستارىم اقپاراتتىڭ اشىق كوزدەرىندە تۇر. عۇلامالار كەڭەسىندە دە ءارتۇرلى قاڭقۋ سوزدەرگە جول قالماۋ ءۇشىن اقپارات ءبىر جەردەن اشىق تارقاۋى ءۇشىن كوزقاراسىمدى باياندادىم. قمدب-مەن ءبىر باعىتتا، ءبىر شاريعاتتا كەلە جاتىرمىن. مەندە باسقا باعىت، باسقا كوزقاراس جوق، – دەدى م.تازابەك ونلاين بريفينگتە.