ءبىرتانوۆتىڭ قامالعانى مەديسينا قىزمەتكەرلەرى مەن جۋرناليستەر جانە بلوگەرلەر اراسىندا پىكىر قايشىلىعىن تۋدىردى.

الدىمەن 5 قاراشادا قازاقستانداعى بەلگىلى 10-نان استام دارىگەردىڭ ءبىرتانوۆتى قولداپ جازعان اشىق حاتى جاريالاندى.

اشىق حات اۆتورلارى ءبىرتانوۆ جۇمىستى ءتيىمدى ىستەگەن، پاسيەنتتەر مەن ارىپتەستەرىنە اشىق مينيستر بولعانىن تىلگە تيەك ەتىپ، ونىڭ قاراپايىم سانيتاردان باستاپ، تاكسيكولوگ دارىگەر، ءبولىم مەڭگەرۋشىسى، عىلىمي ورتالىق پەن مەديسينالىق حولدينگ جەتەكشىسى، مينيستر قىزمەتتەرىن اتقارعانىن العا تارتقان.

سونداي-اق دارىگەرلەر ءبىرتانوۆتاي بىلىكتى ۇيىمداستىرۋشىنىڭ جەمقورلىق دەرەگىنە قاتىسى بارىنا كۇمان كەلتىرىپ، ونىڭ ەلگە مىقتى مامانداردى تارتۋداعى ەڭبەگىن، دەنساۋلىق ساقتاۋ جۇيەسىنىڭ دامۋىنا قوسقان ۇلەسىن، مەديسينا قىزمەتكەرلەرى ەڭبەكاقىسىن ارتتىرۋعا ىقپال جاساعانىن اتاپ وتكەن.

اشىق حات اۆتورلارى ءبىرتانوۆقا قاتىستى تەرگەۋ ءادىل جۇرگىزىلەتىنىنە سەنىم ءبىلدىرىپ، تەرگەۋ كەزىندە قولدانىلاتىن بۇلتارتپاۋ شاراسىن جۇمسارتۋدى سۇراپ، ونى جاقىندارىنان وقشاۋلاماۋدى وتىنگەن.

ال 6 قاراشادا نيەۆروپاتولوگ-دارىگەر قايىرعالي كونەيەۆ ءبىرتانوۆقا تاعايىندالعان بۇلتارتپاۋ شاراسىن وزگەرىسسىز قالدىرۋدى تالاپ ەتكەن ونلاين-پەتيسيانى ىسكە قوستى.

پەتيسيا اۆتورىنىڭ سوزىنشە، ءبىرتانوۆ رەپۋتاسياسىن ساۋىقتاندىرۋعا ارنالعان الەۋمەتتىك جەلىدەگى كامپانيا "بيۋدجەت قارجىسىن ىسىراپ قىلعانى" ءۇشىن ۇستالعان ءمينيستردى "پاندەمياعا دايىن بولماعانى ءۇشىن ايىپتادى" دەپ قوعامدى اداستىرىپ وتىر. اۆتور "كامپانيا ۇيىمداستىرۋشىلارى وسى ارقىلى مەملەكەتتىك ورگاندارعا قىسىم كورسەتىپ وتىر" دەپ سانايدى.

پەتيسيا ۇيىمداستىرۋشىلارى ەلجان ءبىرتانوۆتىڭ جاقتاستارىنا قاتىستى قىلمىستىق كودەكستىڭ 407-بابى 2 تارماعى بويىنشا (سوتقا دەيىنگى، جان-جاقتى، تولىق جانە وبەكتيۆتi تەرگەپ-تەكسەرۋگە كەدەرگi جاساۋ ماقساتىندا پروكۋروردىڭ نەمەسە سوتقا دەيىنگى تەرگەپ-تەكسەرۋدى جۇزەگە اسىراتىن ادامنىڭ قىزمەتiنە قانداي دا بولماسىن تۇردە ارالاسۋ) قىلمىستىق ءىس قوزعاۋعا شاقىرىپ، سوت پروسەسى اياقتالعانعا دەيىن ەكس-مينيستردى قاماۋدا ۇستاۋ شاراسىن وزگەرتپەۋدى تالاپ ەتتى.

اۆتور سوزىنشە، ءبىرتانوۆتىڭ ۆەنادا (اۆستريا) جىلجىمايتىن مۇلكى بار. "ەگەر بۇلتارتپاۋ شاراسى وزگەرسە، ول ءادىل جانە وبەكتيۆتى تەرگەۋدەن قاشىپ كەتۋى مۇمكىن" دەيدى پەتيسيا ۇيىمداستىرۋشىلارى.

ەكس-مينيستردىڭ كۇتىككە ىلىنۋىنە قاراما-قايشى كوزقاراس الەۋمەتتىك جەلىدە دە بايقالدى.

ءبىرتانوۆتى جاقتاۋشىلار ونىڭ اشىق مينيستر بولعانىن اتاپ ءوتىپ، "ءبىرتانوۆتىڭ ءىسى" فارماسيەۆتيكا لوببيستەرى اراسىنداعى ساياسي تاپسىرىس بولۋى مۇمكىن ەكەنىن جازىپ جاتىر.

الايدا 2019 جىلعى مامىر-تامىز ايلارىنداعى قايتىس بولعاندار مەن 2020 جىلعى سايكەس كەزەڭدە ولگەندەر اراسىنداعى 31 مىڭ ايىرماشىلىقتى ايتىپ،  بۇرىنعى مينيستر جاقتاستارىن سىناپ جاتقاندار دا بار. سونداي-اق ولار ءبىرتانوۆ ۆيسە-مينيستر، مينيستر بولعان جىلدارى اۋرۋحانالارداعى توسەك ورنىنىڭ 24 مىڭ 960 ورىنعا كەمۋىنە جول بەرگەنىن ءمالىم ەتتى.

ەلجان ءبىرتانوۆتىڭ كوروناۆيرۋس قازاقستانعا ەندى تارالا باستاعاندا جاساعان بولجامدارى دۇرىس بولماي شىققانى بەلگىلى. ماسەلەن، ول قازاقستاندا ەپيدەمولوگيالىق جاعداي ورشىگەن تۇستا، ۆيرۋس جۇقتىرۋشىلار سانى 3500 ادامنان اسپايدى دەگەن. الايدا بۇگىندە رەسمي دەرەككە ساي، 115 439 ادامنان كوروناۆيرۋس، 38 882 ادامنان كوروناۆيرۋس بەلگىلەرى بار پنيەۆمونيا انىقتالعان. رەسمي تىزىمگە ەنبەگەن، پسر تەست تاپسىرماعان، وزدىگىنەن ەمدەلگەن قازاقستاندىقتار قانشاما...

سونداي-اق ول كوروناۆيرۋستىڭ ورشىگەن تۇسى ءساۋىر ايىنا تۇسپا-تۇس كەلەتىنىن مالىمدەگەن. الايدا ىندەت جاعدايىنىڭ اسقىنۋى قازاقستاندا ماۋسىم، شىلدە ايلارىمەن سايكەس كەلدى.