نۇرسۇلتان نازاربايەۆ قورى 850 مىڭ ادامعا كومەك كورسەتكەن. بۇل تۋرالى قوردىڭ ديرەكتورى داريعا نازاربايەۆا "جاڭا جاعدايداعى جاستار: ءىس-قيمىل كەزەڭى" اتتى ونلاين فورۋمدا ايتتى.
– وسى جولى فورۋم بەينەكونفەرەنسيا فورماتىندا وتۋدە. ەشبىر تەحنيكالىق پروگرەسس جەكە قاۋىشىپ، قول الىسىپ قارىم-قاتىناس جاساۋدىڭ باعا جەتپەس مۇمكىندىگىنە جەتپەيدى. بارلىعىمىز ءبىر-بىرىمىزدى ساعىنامىز جانە ەپيدەميانى جەڭىپ، ءومىرىمىز بۇرىنعى قالپىنا قايتا ورالاتىنىنا سەنىمدىمىز. بيىلعى جىل ەلىمىز ءۇشىن جانە اربىرەۋىمىز ءۇشىن ۇلكەن سىناق جىلى بولدى. پاندەميانىڭ قارا بۇلتى ادامداردىڭ دەنساۋلىعىنا نۇقسان كەلتىرىپ، ومىرلەرىن قيىپ، الەمگە قاۋىپ-قاتەر ءتوندىردى،– دەدى ول ونلاين فورۋمنىڭ اشىلۋىندا.
وسى رەتتە داريعا نازاربايەۆا پاندەميا كەزىندە جاقىندارىنان ايىرىلعان ادامدارعا كوڭىل ايتتى.
پىكىر قالدىرۋ