10 قاراشاعا قاراعان ءتۇنى رەسەي، ازەربايجان جانە ارمەنيا اراسىندا تاۋلى قاراباحتا سوعىستى توقتاتۋ تۋرالى مالىمدەمەگە قول قويىلىپ، كەلىسىمشارت جاسالعان. ارمەنيانىڭ كاپيتۋلياسياسى تۋرالى قۇجاتقا قول قويىلعاننان كەيىن ازەربايجان پرەزيدەنتى يلحام الييەۆ جەڭىس تۋرالى مالىمدەمە جاسادى.
مالىمدەمەدە يلحام الييەۆ قۋانىپ، پاشينيانعا تاۋلى قاراباحتىڭ ازەربايجاندىكى ەكەنىن تاعى ءبىر ەسكەرتتى.
– ال نە بولدى، پاشينيان؟ سەنىڭ قاراباحقا قاتىستى ستاتۋسىڭ قايدا؟ توزاققا كەتتى ستاتۋسىڭ. ستاتۋس جوق، مەن پرەزيدەنت بولىپ تۇرعاندا بولمايدى دا. قاراباح ازەربايجاندىكى، – دەدى ازەربايجان پرەزيدەنتى.
ال ارمەنيا پرەمەر-مينيسترى نيكول پاشينيان ەريەۆانداعى قارسىلىق شەرۋىنەن كەيىن ءوزىنىڭ وتان الدىندا "تازا" ەكەنىن ايتتى.
– شەرۋگە ەشقانداي قاتىسى جوق ادام ۇيگە قايتسىن. ماعان سەنەتىن جانە بىزگە سەنەتىندەردىڭ بارلىعىنان جەكپە-جەككە دايىندالۋىن سۇرايمىن. ءبىزدىڭ ادال ارەكەت ەتكەنىمىزگە ءبىر سەكۋندقا دا كۇماندانباڭىزدار. مەن بارلىق سۇراقتارعا جاۋاپ بەرە الاتىنداي، وتان مەن حالىق الدىندا تازا بولامىن دەپ ارەكەت ەتتىم، – دەپ جازدى پاشينيان facebook پاراقشاسىندا.
پىكىر قالدىرۋ