قازاقستان رەسپۋبليكاسى پارلامەنتى ءماجىلىسىنىڭ دەپۋتاتى، زاڭناما جانە سوت-قۇقىقتىق رەفورما كوميتەتىنىڭ مۇشەسى بالايىم كەسەبايەۆا «Nur Otan» پارتياسىنىڭ وڭىرلىك كونفەرەنسياسى اياسىنداعى دەباتقا قاتىسپاق. ول بۇل تۋرالى الەۋمەتتىك جەلىدەگى پاراقشاسىندا ارنايى جازبا جاريالادى.
دەپۋتات «Nur Otan» پرايمەريزىنىڭ ءبىرىنشى دەڭگەيىندەگى پىكىرسايىستار پارتيانىڭ جاڭا اكتيۆى اشىق پىكىرتالاسقا دايىندىعىن كورسەتكەنىن ايتا كەلە، ساياسي جۇمىستا ديالوگ جۇرگىزۋدىڭ مۇنداي فورماتى بەلگىلى ءبىر داعدىلار مەن دايارلىقپەن قاتار ۇلكەن تاجىريبەنى تالاپ ەتەتىنىن دە اتاپ ءوتتى.
ب.كەسەبايەۆانىڭ ايتۋىنشا، پارتيا اكتيۆىنىڭ جاڭا وكىلدەرىنىڭ كۇش-جىگەرى مەن جىگەرلىگى ولاردىڭ ارتىقشىلىعى بولىپ تابىلادى. دەگەنمەن ولارعا قارسىلاسىن سەندىرۋ، ءوز ۇستانىمىن كوپشىلىك الدىندا قورعاۋ، قارسى تاراپتىڭ كەمشىلىكتەرى مەن سايكەسسىزدىكتەرىن تابۋ مۇمكىندىگى جەتىسپەيدى.
«مەنىڭ زاڭگەرلىك كوپ جىلعى جەكە ەڭبەك تاجىريبەمدى ەسكەرە وتىرىپ، قازاقستان رەسپۋبليكاسى پارلامەنتى ءماجىلىسىنىڭ دەپۋتاتتىعىنا قايتا سايلانۋىم تەك قىزىلوردا وبلىسىنىڭ عانا ەمەس، سونداي-اق قۇقىقتىق رەتتەۋدى، زاڭدىلىقتى جەتىلدىرۋ مەن قازاقستان ازاماتتارىنىڭ قۇقىقتارى مەن زاڭدى مۇددەلەرىن قورعاۋدى قامتاماسىز ەتۋ ماسەلەلەرىن ودان ءارى ىلگەرىلەتۋگە مۇمكىندىك بەرەدى دەپ ەسەپتەيمىن»، - دەدى دەپۋتات.
پىكىر قالدىرۋ