برازيليا قىتايدىڭ كوروناۆيرۋسقا قارسى ۆاكسيناسىن سىناقتان وتكىزۋدى توقتاتتى. 29 قازاندا ۆاكسينانىڭ اۋىر سالدارى انىقتالعان. الايدا ناقتى قانداي سالدارى بار ەكەنى ناقتىلانبادى.

Sinovac ۆاكسيناسى الەم بويىنشا سىناقتىڭ سوڭعى ساتىسىندا. جۇڭگو ونى ءوز ەلىندە مىڭداعان ادامعا سالعان.

برازيليا كوروناۆيرۋسقا شالدىققاندار سانى بويىنشا الەمدە الدىڭعى قاتاردا تۇر. وندا التى ميللونعا جۋىق ادامنان كوروناۆيرۋس ينفەكسياسى تابىلعان.

دجون حوپكينس ۋنيۆەرسيتەتىنىڭ مالىمەتىنشە، ءقازىر كوروناۆيرۋس اۋرۋى ءورشىپ تۇرعان ەلدەردىڭ ۇشتىگىنە اقش، ءۇندىستان جانە يتاليا كىرەدى.

برازيليادا 9 قاراشادا ۆاكسينانىڭ اۋىر سالدارى انىقتالعاننان كەيىن ونى سىناقتان وتكىزۋ توقتاتىلعان. ءدال سول ۆاكسينا يندونەزيا مەن تۇركيادا سىناقتان ءوتتى. الايدا، بۇل ەلدەر ۆاكسينانى سىناقتان وتكىزۋدى توقتاتپادى.

Reutersء-تىڭ مالىمەتىنە سايكەس، برازيليانىڭ مەديسينالىق زەرتتەۋ جۇرگىزەتىن بۋتانتان ينستيتۋتىنىڭ باسشىسى ديماس كوۆاس (Dimas Covas) جەرگىلىكتى باق-قا ءولىم تىركەلگەنىن، ءبىراق ونىڭ ۆاكسيناعا بايلانىستى ەمەس ەكەنىن ايتقان.

سەيسەنبىدە وتكەن كونفەرەنسيادا ۆاكسينانى سىناقتان وتكىزۋدى توقتاتۋ تاڭعالارلىقتاي جاعداي ەمەس ەكەنى ايتىلدى. وسىنداي جاعداي بريتانيادا  دا بولدى. قىركۇيەكتە بريتانيادا Covid-19 ۆاكسيناسىن سىناقتان وتكىزۋ توقتاتىلعان. سەبەبى ۆاكسينانى سالعاننان كەيىن ەرىكتىنىڭ جاعدايى ناشارلاعان.

برازيليا پرەزيدەنتى جاير بولسونارۋ (Jair Bolsonaro) دايىن ۆاكسينانى ساتىپ الۋدى قالايتىنىن ايتىپ، جۇڭگو جاساعان ۆاكسينانى ساتىپ الۋدان باس تارتتى.