ازەربايجان پرەزيدەنتى يلحام الييەۆ پەن تۇركيا پرەزيدەنتى رەجەپ ەردوعان تەلەفون ارقىلى قاراباقتاعى اتىستى توقتاتۋ رەجيمىن باقىلاۋ ءۇشىن تۇرىك-ورىس بىتىمگەرلىك ورتالىعىن قۇرۋ تۋرالى تالقىلادى. بۇل تۋرالى ria.ru حابارلادى.
"الييەۆ پەن ەردوعان تەلەفون ارقىلى سويلەستى. اڭگىمە بارىسىندا تاراپتار اتىستى توقتاتۋ رەجيمىن باقىلاۋ ءۇشىن تۇرىك-ورىس بىتىمگەرلىك ورتالىعىن قۇرۋدى جوعارى باعالادى جانە سول ورتالىقتىڭ ايماقتا تۇراقتى بەيبىتشىلىكتى قامتاماسىز ەتۋگە ۇلەس قوساتىنىنا سەنىم ءبىلدىردى" دەلىنگەن حابارلامادا.
بۇعان دەيىن قايتا قاقتىعىس بولماۋى ءۇشىن رەسەيدىڭ بىتىمگەرلىك كۇشتەرى ەكى ەل اراسىنا قويىلاتىن شەكارالىق ءدالىزدى 5 جىل كۇزەتەتىندىگى جايلى حابارلانعان بولاتىن. ارمەنيا پرەمەر-مينيسترى نيكول پاشينيان ازەربايجان پرەزيدەنتى يلحام الييەۆ جانە رەسەي پرەزيدەنتى ۆلاديمير پۋتين تاۋلى قاراباقتا اسكەري ارەكەتتەردى توقتاتۋ تۋرالى كەلىسىمگە قول قويعان. ءۇش ەلدىڭ اراسىندا بولعان كەلىسىم بويىنشا اۋداندار ازەربايجانعا قايتارىلىپ، ال باسقىنشى اسكەر سول اۋماقتان تۇگەل شىعارىلادى.
پىكىر قالدىرۋ