الماتىنىڭ باس سانيتار دارىگەرى جانداربەك بەكشين جاڭا قاۋلىعا قول قويدى.

26 قازانداعى №64 قاۋلىعا وزگەرىستەر ەنگىزىلدى. وسى وزگەرىستەر بويىنشا، بيىلعى وقۋ جىلىنىڭ ەكىنشى توقسانىنان باستاپ 300 وقۋشىعا دەيىنگى، سىنىپتارداعى بالالار سانى 15 ادامعا دەيىنگى قالالىق مەكتەپتەرگە ءداستۇرلى فورماتتا وقۋعا كوشۋگە رۇقسات ەتىلەدى. جالپى ءبىلىم بەرەتىن مەكتەپتەردە 1-دەن 5-سىنىپقا دەيىنگى كەزەكشى سىنىپتارعا، حالىقارالىق مەكتەپتەردە 7-سىنىپقا دەيىن كەزەكشى سىنىپتاردا وقۋعا رۇقسات ەتىلەدى.

كوروناۆيرۋسقا پتر-انىقتاماسىز حالىقتىڭ تۇرۋى بويىنشا قىزمەت كورسەتۋ سالاسىنداعى وبەكتىلەر مەن ۇيىمداردىڭ (قوناقۇيلەر)؛ پتر-انىقتاماسى بولعان كەزدە حالىقتىڭ ءۇش كۇننەن اسا تۇرۋى بويىنشا تۋريزم وبەكتىلەرىنىڭ (دەمالىس ۇيلەرى، ساناتورييلەر، كۋرورتتار، تۋربازالار) قىزمەتىنە رۇقسات ەتىلەدى.

19 قاراشادان 30 قاراشاعا دەيىنگى ارالىقتا "مەدەۋ" مۇز ايدىنى مەن "شىمبۇلاق" تاۋ-شاڭعى كۋرورتىنىڭ تەستىلىك رەجيمدەگى قىزمەتىنە رۇقسات ەتىلەدى. 

10 قاراشادان باستاپ زالدا 50 پايىزدان اسپايتىن، ال سانيتار ەرەجەسى قاتاڭ ساقتالعان زالدا 100 ادامنان اسپايتىن تەاترلاردىڭ قىزمەتىنە رۇقسات ەتىلدى.

10 قاراشادان باستاپ جۇما نامازىن قوسپاعاندا، ءدىني وبەكتىلەردە ۇجىمدىق قۇلشىلىق ەتۋگە، مەشىتتەردە ناماز وقۋعا رۇقسات ەتىلەدى. ءدىني ورىنداردىڭ 30 پايىزىنا دەيىن تولىقتىرىلىپ، ناقتى 100 ادامنان اسپاعان جاعدايدا سانيتار ەرەجەلەرىن قاتاڭ ساقتاسا، رۇقسات ەتىلەدى.

ويىن-ساۋىق ورتالىقتارى جانە ساۋدا ۇيلەرىنىڭ قىزمەتى ساعات 22.00-گە دەيىن رۇقسات ەتىلەدى. ساعات 17.00-گە دەيىن ازىق-تۇلىك ساتپايتىن بازارلار مەن جابىق ازىق-تۇلىك بازارلارىنا جۇمىس ىستەۋگە رۇقسات ەتىلەدى.

سونداي-اق ساعات 7:00-دەن 22:00-گە دەيىن قوعامدىق تاماقتانۋ ورىندارىنا 50 ادامعا دەيىن تولىقتىرۋعا رۇقسات ەتىلەدى. الايدا ۇجىمدىق ءىس-شارالاردى وتكىزۋگە تىيىم سالىنادى.