ءماجىلىس سپيكەرى نۇرلان ءنىعماتۋليننىڭ توراعالىعىمەن پالاتانىڭ جالپى وتىرىسى ءوتتى. وندا دەپۋتاتتار «تەحنيكالىق رەتتەۋ» تۋرالى زاڭ جوباسىن ءبىرىنشى وقىلىمدا ماقۇلدادى.
اتالعان ماڭىزدى قۇجاتتى تالقىلاۋ بارىسىندا پالاتا سپيكەرى جاڭا زاڭ جوباسىنىڭ سالماقتى تۇستارىنا ەرەكشە نازار اۋداردى. بۇل زاڭ جوباسى قازاقستاندىق نارىقتى ساپاسىز تاۋارلاردان قورعاۋعا باعىتتالعانىن ايتا كەلىپ:
- ەڭ باستىسى، ءونىم ءقاۋىپسىز بولۋ كەرەك. باسقا ماسەلەلەر، مىسالى، ونىمگە ماركيروۆكا جاساۋ. ول جاعدايدى كاسىپكەرلەردىڭ وزدەرى شەشەتىن مۇمكىندىگى بار. ول ءۇشىن توۆاردى قايتارۋعا، نەمەسە وتكىزبەۋگە جول بەرمەۋ كەرەك. سەبەبى، بۇل كاسىپكەرلەر ءۇشىن وتە ۇلكەن شىعىن، - دەدى نۇرلان نىعماتۋلين.
اتاپ ايتۋ كەرەك، ەندى وسى زاڭ جوباسىنا سايكەس، مەملەكەتتىك باقىلاۋ ءونىمدى وتكىزۋ ساتىسىندا عانا ەمەس، ونى ەلىمىزدىڭ اۋماعىنا اكەلگەنگە دەيىن جۇرگىزەتىن بولادى.
وسىعان وراي:
- جاسىراتىنى جوق، وسىعان دەيىن باسقاشا بولدى. مىسالى، كەز-كەلگەن ءونىمدى ءبىز ەڭ الدىمەن ەلگە كىرگىزەمىز دە، سودان كەيىن تەكسەرەمىز. ءقاۋىپتى جاعداي بولسا، سوندا عانا انىقتاۋ باستالادى. ەندى ءونىم قازاقستانعا كىرمەي تۇرىپ، مەملەكەتتىك باقىلاۋدان وتەدى. ءقاۋىپتى جاعداي انىقتالسا، بىردەن ول تاۋاردى ارينە، قايتارامىز. بۇل وتە ماڭىزدى، وتە قاجەتتى قادام. سوندىقتان بۇل نورمانى مىندەتتى تۇردە قولداۋىمىز كەرەك، - دەدى ءماجىلىس ءتوراعاسى.
نۇرلان ءنىعماتۋليننىڭ پىكىرىنشە، زاڭ جوباسىنا ەنگىزىلگەن تۇزەتۋلەر تۇتىنۋشىلاردى ءقاۋىپتى تاۋارلاردان قورعاۋدى كۇشەيتەدى.
سونىمەن قاتار وتىرىس بارىسىندا دەپۋتاتتار جاۋاپتى مەملەكەتتىك ورگاننىڭ باسشىسىنا ءبىرقاتار سۇراقتارىن قويدى.
ەسكە سالا كەتەيىك، زاڭ جوباسى مەملەكەت باسشىسىنىڭ جاڭا رەداكسياداعى تەحنيكالىق رەتتەۋ تۋرالى زاڭدى دايىنداۋ قاجەتتىگى تۋرالى تاپسىرماسىن ىسكە اسىرۋ ماقساتىندا ازىرلەندى.
پىكىر قالدىرۋ