ارمەنيا استاناسى ەريەۆاندا 11 قاراشادا ارمەنيانىڭ 17 وپپوزيسيالىق پارتياسى قاراباقتاعى قاقتىعىستى توقتاتۋ تۋرالى كەلىسىمگە قول قويعان پرەمەر-مينيستر نيكول پاشينيانعا قارسى ميتينگ وتكىزۋدى جوسپارلاپ جاتىر. وسى جاعدايعا بايلانىستى نيكول پاشينيان ەريەۆاننان قاشىپ كەتۋگە ارەكەت جاساعان. Day.Az سايتى حابارلاعانداي، الەۋمەتتىك جەلىلەردە  ارميان اسكەرلەرىنىڭ انالارى ونىڭ ەلدەن قاشىپ كەتۋىنە جول بەرمەۋگە تىرىسىپ جاتقان ۆيدەوسى تارادى.

بۇعان دەيىن ارمەنيا پرەمەر-مينيسترى نيكول پاشينيان، ازەربايجان پرەزيدەنتى يلحام الييەۆ جانە رەسەي پرەزيدەنتى ۆلاديمير پۋتين تاۋلى قاراباقتا اسكەري ارەكەتتەردى توقتاتۋ تۋرالى كەلىسىمگە قول قويعان ەدى. ارمەنياداعى وپپوزيسيا وكىلدەرى بۇل كەلىسىمدى "ءبىزدىڭ تاريحتاعى ەڭ ۇياتتى پاراق"  دەپ اتاعان.

"مايداندا جەر مەن مەملەكەتتىلىكتى قانىمەن قورعاعان جاۋىنگەردىڭ جانە ءبىزدىڭ ارتىمىزدان ۇلتقا قارسى كەلىسىمگە قول قويىلدى. قازىرگى جاعدايدا ءبىزدىڭ بىرلىگىمىز وتە قاجەت. ەرتەڭ، 11 قاراشا، ساعات 13.00-دە (استانا ۋاقىتىمەن 15.00 – رەد.) ءبىز جينالىس وتكىزەمىز. بوستاندىق الاڭىندا ءبىز سىزگە قازىرگى جاعداي تۋرالى ايتىپ بەرەمىز" دەلىنگەن داشناكسۋتيۋن پارتياسىنىڭ سايتىنداعى حابارلامادى.

وقي وتىرىڭىز:

♦ "پاشينيان – ساتقىن". ارمەنيادا ميتينگ ءوتتى (ۆيدەو)