نۇر-سۇلتان قالاسىنىڭ اكىمى التاي كولگىنوۆ كارانتيندى جەڭىلدەتۋگە بايلانىستى پىكىر ءبىلدىردى.

اكىم COVID-19 ىندەتىن جۇقتىرۋ جاعداي̆لارىنىڭ كوبەيۋىنە باي̆لانىستى قالا "سارى" اي̆ماققا وتكەنىن اتاپ ءوتتى.

"بۇل قازىرگى كەزەڭدە كارانتيندى جەڭىلدەتۋ قاجەت ەمەس ەكەنىن بىلدىرەدى. 11 قاراشادا 47 جاعداي̆ تىركەلدى. شاعىن جانە ورتا بيزنەس نىساندارى كەزەك-كەزەكپەن جابىلماۋى، قالا اۋماعى بوي̆ىنشا بلوك-بەكەتتەر ورناتىلماۋى جانە قالانىڭ جابىلماۋى ءۇشىن ءار تۇرعىن جاعداي̆دىڭ قانشالىقتى اۋىر ەكەنىن ءتۇسىنۋى كەرەك. جەدەل شتاب وتىرىسىندا نەگىزگى ماسەلەلەر قارالدى" دەلىنگەن اكىمنىڭ Instagram-داعى جازباسىندا.

كولگىنوۆ COVID-19 ىندەتىن جۇقتىرۋ جاعدايىنا قاتىستى نەگىزگى ماسەلەلەرگە توقتالدى.

– ءبىرىنشى. پوليسيا قىزمەتكەرلەرى مەن سانيتارلىق دارىگەرلەر رەي̆دتەردى كۇشەي̆تۋگە جانە كارانتيندى بۇزۋ فاكتىلەرىن انىقتاۋعا كوشتى. بۇل سانيتاريا ەرەجەلەرىن ساقتاماي̆، بۇكىل قالانىڭ ومىرىنە ءقاۋىپ توندىرەتىن نەمقۇراي̆لى كاسىپكەرلەر ءۇشىن سيگنال بولۋى شارت.

تۇندە وي̆ىن-ساۋىق مەكەمەلەرىندە جۇرگەن ەرەجە بۇزعان ازاماتتار اسىرەسە ەگدە جاستاعى تۇرعىنداردىڭ دەنساۋلىعىنا قانشالىقتى كەرى اسەرىن تيگىزىپ جاتقاندارىن ءالى تۇسىنبەي̆ كەلەدى.

ەكىنشى. مەديسينالىق مەكەمەلەر قوسىمشا جابدىقتارمەن، قورعانىس قۇرالدارىمەن، دارى-دارمەكتەرمەن جانە ت.ب. جابدىقتالعان. ماتەريالدىق-تەحنيكالىق بازا داي̆ىن، ءبىراق ءبىر مەزەتتە جاعداي̆ ۋشىعىپ كەتسە، دارىگەرلەر بارلىق ناۋقاستارعا جەتپەي̆ءدى.

ءۇشىنشى. پتر-زەرتتەۋمەن كوبىرەك قامتۋ ءۇشىن كوپبەي̆ءىندى قالالىق اۋرۋحانالاردىڭ قابىلداۋ بولمەلەرىندە جانە ستاسيونارلاردىڭ اكۋشەرلىك بلوكتارىندا يزوتەرميالىق شاعىن-زەرتحانالار اشىلدى. بۇل شۇعىل تۇردە تۇسكەن پاسيەنتتەر اراسىندا كوروناۆيرۋستىق ينفەكسيا تاسىمالداۋشىلارىن انىقتاۋعا جانە ۋاقتىلى ەم كورسەتۋگە مۇمكىندىك بەرەدى.

ءتورتىنشى. كۆي-عا بيوماتەريال الۋ زەرتحانالارىنىڭ سانى 15-كە دەي̆ءىن ارتتى. زەرتحانالاردىڭ جالپى قۋاتتىلىعى تاۋلىگىنە 10 مىڭنان استام زەرتتەۋدى قۇراي̆دى.

بەسىنشى. بارلىق قالالىقتارعا قىزمەت كورسەتەتىن اۆتوبۋس پاركتەرى، شاھاردى سانيتارلى تازالاۋمەن جانە اباتتاندىرۋمەن اي̆نالىساتىن كوممۋنالدىق كاسىپورىندار، سونداي̆-اق قالانىڭ تىنىس-تىرشىلىگىن قامتاماسىز ەتەتىن ماڭىزدى نىساندار (جەو، استانا سۋ ارناسى، استانا-اەك جانە ت.ب.) ەرەكشە باقىلاۋعا الىندى. قىزمەتكەرلەردى ءجيى تەكسەرىپ وتىرامىز.

تەستىلەۋ ارقىلى قامتۋدى كەڭەي̆تە وتىرىپ، ءبىز COVID-19 تارالۋىنىڭ ناقتى كورىنىسىن كورەمىز جانە وشاقتاردى تەز ارادا وقشاۋلاي̆ الامىز. شەتەلدەن ىندەت جۇقتىرىپ، ەلگە ورالعانداردىڭ سانى ارتىپ كەلەدى. مۇمكىندىگىنشە ساپارلار سانىن قىسقارتۋعا، جاپپاي ءىس-شارالاردى وتكىزبەۋگە جانە قاتىسپاۋعا، سانيتاريا نورمالارىن قاتاڭ ساقتاۋعا كەڭەس بەرەمىز، – دەپ جازدى ول.