"الەمنىڭ اقىرى سالدارى وتە اۋىر اسىعىس شەشىمنەن كەلۋى مۇمكىن، ويتكەنى اقش پەن رەسەيدە شامامەن بەلسەندى 1800 يادرولىق ەسكەرتۋ بار، ولار ءبىر-بىرىن قىسقا مەرزىمدە جويىپ جىبەرۋگە دايىن" دەپ جازدى بريتانيالىق دەيلي ەكسپەرەسس باسىلىمى.

باسىلىم قىرعي-قاباق سوعىس كەزىندە ۆاشينگتون مەن ماسكەۋ ءۇشىنشى دۇنيەجۇزىلىك سوعىستى باستاۋعا شاق قالعانىن، اسىرەسە كۋبا زىمىران داعدارىسى شيەلەنىستى كۇشەيتكەنىن جازدى. 40 جىلدىق قاقتىعىس كەزىندە ەكى ەل دە دابىل قاعاتىن ءقاۋىپتى دەڭگەيگە جەتكەن.

"يادرولىق (سوعىسقا) بىرنەشە سەكۋند قالعاندا عانا (سوعىس) بولدىرىلمادى. بۇل ءقاۋىپ قايتا ورالدى، ويتكەنى اقش پەن رەسەي يادرولىق قارۋلانۋدى جالعاستىرۋدا، عىلىمداعى جەتىستىكتەر ولاردىڭ ءتىپتى جويقىن ەكەنىن بىلدىرەدى" دەپ جازدى گازەت.

لوندوندا شىعاتىن باسىلىم "تاريحتىڭ قيامەت كۇنى" دەرەكتى فيلمىنە سىلتەمە جاساپ، يادرولىق سوعىسقا بارۋ تۋرالى شەشىمنىڭ قانشالىقتى اۋقىمدى بولۋى مۇمكىن ەكەنى تۋرالى بولجام جازدى.

باسىلىمنىڭ اقپاراتىنا سايكەس، كەيبىر زىمىرانداردىڭ ءارقايسىسىندا حيروسيمانى جويعان راكەتادان 50 ەسە كۇشتى 10-عا جۋىق وقتۇمسىق بار. يادرولىق اقپارات جوباسىنىڭ ديرەكتورى حانس كريستەنسەن يادرولىق قاقتىعىس ءقاۋپى الىس ەمەس ەكەنىن ايتتى.

"قولدا بار 10 000 اسكەري يادرولىق قارۋدىڭ شامامەن 1800ء-ى قىسقا مەرزىمدە بالليستيكالىق زىمىرانداردان ۇشىپ شىعۋعا دايىن. دايىندىقتاعى يادرولىق قارۋدىڭ باسىم بولىگى اقش پەن رەسەيگە تيەسىلى...ءبىرىنشى سوققىلاردا بىر-بىرىنە قارسى ۇشىپ جاتقان ەكى ەلدىڭ يادرولىق وقتۇمسىقتارى بار 600-دەن 700-گە دەيىنگى بالليستيكالىق زىمىراندار بولار ەدى... سوققىعا ۇشىرايتىن العاشقى نىساندار – ۆاشينگتون، ماسكەۋ سەكىلدى ماڭىزدى اسكەري جانە ازاماتتىق باسشىلىق جانە باسقارۋ قۇرىلىمى بار قالالار. ول قالالارعا جاسالعان سوققىنىڭ سالدارى جويقىن بولۋى مۇمكىن. ۆاشينگتوندا نىساناعا ءبىرىنشى الىناتىن ورىندار اق ءۇي، پەنتاگون بولار ەدى جانە 500 كيلوتوندىق وقتۇمسىق ديامەترى ءبىر ميل بولاتىن وت شارىن جاسايدى" دەدى ساراپشى.

دەرەكتى ءفيلمدى گيپوتەتيكالىق سەناريي تۋرالى جانە قاقتىعىستىڭ جاقىن ارادا بۇكىل الەمگە قالاي اينالۋى مۇمكىن ەكەنى تۋرالى ەگجەي-تەگجەيلى توقتالعان.

ديكتوردىڭ اقپاراتىنا سايكەس، ءىس جۇزىندە ءبىر ۋاقىتتا اقش، ۇلىبريتانيا جانە فرانسيا ماسكەۋگە 80 وقتۇمسىقپەن سوققى بەرمەك، قالا الاۋدىڭ سىنىقتارى ورىسىنە اينالادى جانە ءبىر ميلليون ادام ولەدى... 6000 ميل قاشىقتىقتا امەريكالىق يادرولىق قارۋلار بەيجىڭگە سوققى بەرەدى، ويتكەنى اقش بۇل شابۋىلدارعا قىتايدىڭ قاتىسى بار دەپ كۇدىكتەنەدى... قىتايلىق سۇڭگۋىر قايىقتار اقش-تىڭ باتىس جاعالاۋىنا، سيەتتلدەن سان-ديەگوعا دەيىن يادرولىق سوققىلارمەن جاۋاپ قايتارادى. قۇربان بولعاندار سانى 100 ميلليوننان اسادى...بومبالار ۇلكەن ءورت تۋدىرىپ، 50 توننا تۇتەكتى اۋاعا جىبەرىپ، كۇن ساۋلەسىن جاۋىپ، الەمدى كەنەتتەن يادرولىق قىسقا اينالدىرادى.

پالەونتولوگ تريەۆور ۆاللە عالىمدار مۇنداي سەناريي جەردى ەكى ونجىلدىقتا مۇزداتىپ، ادامزات بالاسىنا اپاتتى اسەر ەتۋى مۇمكىن دەپ ۇرەيلەنەدى.