ارمەنيا پرەمەر-مينيسترى نيكول پاشينيان حالقىنا ۇندەۋ جاساپ، قاراباح بويىنشا قۇجاتقا قول قويۋ سەبەبىن ءتۇسىندىردى. ونىڭ ايتۋىنشا، ارمەنيا مەن ونىڭ حالقى وتە قيىن كۇندەردى باستان كەشۋدە. سونىمەن قاتار ول قاراباق بويىنشا قول قويىلعان قۇجاتتار قوعام ىشىندە نارازىلىق تۋدىرعانىن مويىندادى، دەپ حابارلادى Sputnik ارمەنيا سايتى.
– 27 قىركۇيەكتە سوعىس باستالدى، ونىڭ سوڭى قۇجاتقا قول قويۋمەن اياقتالدى. بۇل كوپشىلىكتىڭ كوڭىلىن قالدىردى جانە بارلىق سۇراقتىڭ جاۋابىن مەنەن كۇتىپ وتىر. قۇجاتقا نەگە قول قويىلدى؟ بۇل باس شتاب "ءار مينۋت وتە ماڭىزدى، ارەكەتتەردى توقتاتا تۇرۋ كەرەك" دەپ ايتقاننان كەيىن قابىلدانعان شەشىم، – دەدى پرەمەر-مينيستر.
پرەمەر-مينيستر اسكەري قىزمەتكەرلەردىڭ ءومىرى ءوز ءمانسابىنان بيىك تۇراتىنىن اتاپ ءوتتى.
– مانسابىم مەن ءومىرىمنىڭ ورنىنا 25 مىڭ ساربازدىڭ ءومىرىن تاڭدادىم، – دەدى ول.
10 قاراشاعا قاراعان ءتۇنى ارمەنيا پرەمەر-مينيسترى رەسەي جانە ءازىربايجان پرەزيدەنتتەرىمەن تاۋلى قاراباقتاعى سوعىس قيمىلدارىن توقتاتۋ تۋرالى كەلىسىمگە قول قويعان بولاتىن.
پىكىر قالدىرۋ