شىعىس قازاقستان وبلىسىنىڭ مەملەكەتتىك باس سانيتار دارىگەرى ح. يليۋبايەۆ كوروناۆيرۋس ينفەكسياسىنىڭ الدىن الۋ ءۇشىن 2020 جىلعى 10 قاراشاداعى №24 قاۋلىسىنا وزگەرىستەر مەن تولىقتىرۋلار ەنگىزدى.

"شقو COVID-19 كوروناۆيرۋس ينفەكسياسى بويىنشا ەپيدەميولوگيالىق جاعدايدى باقىلاۋ ماتريساسىنا سايكەس "قىزىل ايماققا" جاتقىزىلعانىن انىقتادىم" دەلىنگەن باس سانيتاردىڭ حابارلاماسىندا.

قاۋلىعا سايكەس:

– قازاقستان رەسپۋبليكاسى ۇلتتىق ۇلانىنىڭ "شىعىس" وڭىرلىك قولباسشىلىعىمەن، قازاقستان رەسپۋبليكاسى دەنساۋلىق ساقتاۋ مينيسترلىگى سانيتاريالىق-ەپيدەميولوگيالىق باقىلاۋ كوميتەتى "ۇلتتىق ساراپتاما ورتالىعى" رمك شىعىس قازاقستان وبلىسى بويىنشا فيليالىمەن اسكەري قىزمەتتىڭ بەلگىلەنگەن مەرزىمىن وتكەرگەن جانە ىشكى ىستەر مينيسترلىگى قازاقستان رەسپۋبليكاسى ۇلتتىق ۇلانىنىڭ بولىمدەرىنەن زاپاسقا شىعارىلاتىن اسكەرگە شاقىرۋ بويىنشا اسكەري قىزمەتشىلەردى اسكەري ەسەپكە قويۋ ورىندارىنا، تۇراتىن جەرىنە تەمىرجول جانە اۋە كولىگىمەن جول جۇرەر الدىندا COVID-19-عا پتر ادىسىمەن زەرتحانالىق تەكسەرۋدى قامتاماسىز ەتۋ".

حالىقپەن بايلانىس دەڭگەيى تومەن كاسىپەرلىك سۋبەكتىلەر:

– الدىن الا جازىلۋ بويىنشا، كەلۋشىلەر ءۇشىن كۇتۋ بولمەسى /زالى جابىق بولعان كەزدە: اۆتوجۋۋ، كولىك قۇرالدارىنا تەحنيكالىق قىزمەت كورسەتۋ جانە جوندەۋ وبەكتىلەرى؛

– جەكە قىزمەت كورسەتۋمەن (ءبىر كليەنتكە): اتەلە، تىگىن شەبەرحانالارى، تۇرمىستىق تەحنيكانى، اياق كيىمدى، تەلەفونداردى، كومپيۋتەرلەردى، ساعاتتاردى، حيميالىق تازالاۋدى، كىر جۋۋ ورىندارىن، فوتوسالونداردى جوندەۋ وەكتىلەرى، تاۋارلاردى جەتكىزۋمەن اينالىساتىن ۇيىمدار، اۆتو-ەكپسرەسس (الىپ كەتەتىن تاعامدار)؛

– جقس (جانارماي قۇيۋ ستانسيالارى).