نۇر-سۇلتاندا ءدامحاناسىنداعى گاز باللونى جارىلىسىنان زارداپ شەككەن 23 ادام اۋرۋحاناعا جاتقىزىلعانى حابارلاندى.
كەشە ەلوردا ءدامحانالارىنىڭ بىرىندە جويقىن جارىلىس بولىپ، ءبىر ادام قازا بولعان. قازىرگى ۋاقىتتا 23 ادام اۋرۋحاناعا جاتقىزىلدى.
"زارداپ شەككەندەردىڭ ءبارى بىردەن قالالىق ستاسيونارلارعا جەتكىزىلدى. دارىگەرلەر قاراپ شىققاننان كەيىن 23 ادام اۋرۋحاناعا جاتقىزىلدى، جەڭىل-جەلپى جاراقات العان 11 ادام امبۋلاتورلىق ەمگە جىبەرىلدى" دەلىنگەن قالالىق قوعامدىق دەنساۋلىق ساقتاۋ باسقارماسىنىڭ حابارلاماسىندا.
سونداي-اق اتالعان فاكت بويىنشا قىلمىستىق كودەكستىڭ 292-بابى 2-تارماعى بويىنشا (ابايسىزدا ادام ءولiمiنە نەمەسە وزگە دە اۋىر زارداپتارعا اكەپ سوققان ىس-ارەكەت) سوتقا دەيىنگى تەرگەۋ جۇمىستارى باستالدى.
ايتا كەتەيىك، كەشە ەلوردا اكىمى التاي كولگىنوۆ گاز باللونى جارىلعان ءدامحاناداعى ورتتەن قازا بولعان قىزدىڭ وتباسىنا كوڭىل ايتىپ، كومەك كورسەتىلەتىنىن ءمالىم ەتكەن.
پىكىر قالدىرۋ