مەملەكەت باسشىسى قاسىم-جومارت توقايەۆ قاراعاندى وبلىسىنا جۇمىس ساپارىمەن كەلدى. بۇل تۋرالى پرەزيدەنتتىڭ باسپا ءسوز حاتشىسى بەرىك ءۋالي facebook پاراقشاسىندا جازدى.
ونىڭ حابارلاۋىنشا، پرەزيدەنت ساپار بارىسىندا قۇرىلىسى بيىل اياقتالعان ءبىلىم جانە سپورت ورتالىقتارىنىڭ جۇمىسىمەن، پاندەميا كەزىندەگى وڭىردە ءبىلىم بەرۋ پروسەسىن ۇيىمداستىرۋ ىسىمەن تانىسادى.
"مەملەكەت باسشىسى ءبىرقاتار يندۋستريالدى ءوندىرىس ورىندارىن ارالاپ كورىپ، ايماقتا جۇزەگە اسىرىلىپ جاتقان ءىرى ينۆەستيسيالىق جوبالارمەن جانە "سارىارقا" ارنايى ەكونوميكالىق ايماعىنىڭ دامۋ بارىسىمەن تانىسادى دەپ جوسپارلانعان. سونىمەن قاتار "ارسەلورميتتال تەمىرتاۋ" مەتاللۋرگيالىق كومبيناتىنا بارادى" دەپ جازدى بەرىك ءۋالي.
پىكىر قالدىرۋ