ازەربايجاننىڭ باسىپ الىنعان اگدام وبلىسىنا قاتىستى "اگدام وپەراسياسى" ازىرلەنگەن. ءبىراق ارمياندار جەردى بوساتقان سوڭ، ونى جۇزەگە اسىرۋدىڭ قاجەتى جوق بولىپ قالدى. ازەربايجان پرەزيدەنتى يلحام الييەۆ اگدام قالاسىنا ساپارى بارىسىندا وسىلاي دەدى. بۇل تۋرالى اze.az سايتى حابارلادى.
– سوعىستىڭ بارلىق قۇپياسىن اشۋعا ءالى ەرتە. ۋاقىت كەلەدى جانە كوپتەگەن كەمشىلىكتەر پايدا بولادى. ءبىراق بۇگىن مەن اگدام وپەراسياسى جوسپارلانعان دەپ سەنىمدى تۇردە ايتا الامىن. قانشاما شىعىنعا ۇشىراساق تا ءبىز ءبارىبىر اگدامدى الار ەدىك. شۋشا مەن 70-تەن استام اۋىلىمىز ازات ەتىلگەننەن كەيىن، جاۋدىڭ بەتى قايتتى. اق تۋ كوتەردى، مەنىڭ شارتتارىمدى قابىلداپ، جەڭىلگەنىن مويىندادى، – دەدى الييەۆ.
بۇعان دەيىن وپپوزيسيالىق "رودينا" ارميان پارتياسىنىڭ ءتوراعاسى ارتۋر ۆانەسيان قاراباحتاعى سوعىستى نيكول پاشينياننىڭ ءوزى قوزدىرعانىن اتاپ وتكەن بولاتىن.
پىكىر قالدىرۋ