بۇگىن ءماجىلىستىڭ جالپى وتىرىسىندا كەيبىر زاڭنامالىق اكتىلەرگە ەكونوميكالىق ءوسۋدى قالپىنا كەلتىرۋ ماسەلەلەرى بويىنشا وزگەرىستەر مەن تولىقتىرۋلار ەنگىزۋ تۋرالى زاڭ جوباسى ەكىنشى وقىلىمدا قارالدى.

ەكونوميكالىق رەفورما جانە وڭىرلىك دامۋ كوميتەتىنىڭ مۇشەسى ساكەن وتەبايەۆتىڭ ايتۋىنشا، اتالعان زاڭ جوباسى 4 قاراشادا ءبىرىنشى وقىلىمدا ماقۇلداندى.

جوباعا تومەندەگىدەي وزگەرىس پەن تولىقتىرۋ ەنگىزىلدى:

– بيزنەس-ارىپتەستەر تىزىلىمىندە قامتىلعان كاسىپكەرلىك سۋبەكتىلەرىنىڭ دەربەس دەرەكتەرىن قورعاۋ؛

– زەينەتاقى تولەمى ەسەبىنەن مەديسينالىق كومەك الۋدى وڭايلاتۋ ءۇشىن جەكە تۇلعالاردى جىبەرۋ بويىنشا كوميسسيانى الىپ تاستاۋ؛

– زەينەتاقى تولەمىن ءۇشىنشى تۇلعالاردىڭ تالاپتارىنان قورعاۋدى قامتاماسىز ەتۋ؛

– الەۋەتتى جەكەشە ارىپتەستىككە قويىلاتىن بىلىكتىلىك تالاپتارىن ارتتىرۋ؛

– زەينەتاقى اننۋيتەتى شارتىن جاساسۋ ءۇشىن جاس شەكتەۋلەرىن تومەندەتۋ؛

– ساباقتان تىس سپورت ساباقتارىن جۇرگىزگەنى ءۇشىن مۇعالىمگە قوسىمشا اقى بەلگىلەۋدى كوزدەيتىن سەكىلدى زاڭ جوبالارىنا تۇزەتۋلەر ەنگىزىلدى.