قازاقستان ۇلتتىق بانكى قازاقستان رەسپۋبليكاسىنداعى ورتالىق بانكتىڭ سيفرلىق ۆاليۋتاسىن (ەسكەرتپە: Central bank digital currency – CBDC) ەنگىزۋ تۋرالى ماسەلەنى زەرتتەۋدى قولعا الدى، دەپ حابارلايدى Qamshy.kz اقپارات اگەنتتىگى قازاقستان ۇلتتىق بانكتىڭ باسپا ءسوز قىزمەتىنە سىلتەمە جاساپ. 

حالىقارالىق ەسەپ ايىرىسۋ بانكى جۇرگىزگەن ساۋالنامانىڭ دەرەكتەرى بويىنشا، 2020 جىلدىڭ باسىندا زەرتتەۋ جۇرگىزۋدەن باستاپ، پيلوتتىق جوبالاردى ىسكە اسىرۋعا دەيىن CBDC بويىنشا جۇمىسقا سۇرالعان ورتالىق بانكتەردىڭ 80%-ى تارتىلعان.

الەمدەگى كوپتەگەن ورتالىق بانكتەر ءۇشىن تولەم جۇيەلەرىن سيفرلىق ترانسفورماسيالاۋ وتە وزەكتى سانالادى. قازاقستان ۇلتتىق بانكى باسقا ەلدەردىڭ 28 ورتالىق بانكىمەن بىرگە سيفرلىق ۆاليۋتالار بويىنشا نەگىزگى حالىقارالىق زەرتتەۋ توبىنىڭ جۇمىسىنا قاتىسادى.

ۇلتتىق بانك ماماندارى حالىقارالىق ەسەپ ايىرىسۋ بانكىمەن جانە حالىقارالىق ۆاليۋتا قورىمەن بىرلەسە وتىرىپ، سيفرلىق ۆاليۋتانى رەتتەۋ تاسىلدەرىن زەردەلەي باستادى.

سونىمەن قاتار قازاقستان ۇلتتىق بانكى جۇڭگو حالىق رەسپۋبليكاسىندا، وڭتۇستىك-شىعىس ازيانىڭ ءبىرقاتار ەلىندە، كانادادا، سينگاپۋردا جانە ەۋروپالىق وداقتا سيفرلىق ۆاليۋتانى ەنگىزۋ جونىندەگى پيلوتتىق جوبالاردا باقىلاۋشى بولادى.

ءقازىر ءار ءتۇرلى تەحنولوگيالىق ينفراقۇرىلىم مەن رەتتەۋ تاسىلدەرى ەسكەرىلەتىن قازاقستان رەسپۋبليكاسىندا سيفرلىق ۆاليۋتانى ەنگىزۋدىڭ ءار ءتۇرلى سەنارييىنە ارنالعان بايانداما ازىرلەنىپ جاتىر. بايانداما 2021 جىلدىڭ ەكىنشى جارتىسىندا جاريالانادى.

بۇدان كەيىن قۇجات مۇددەلى مەملەكەتتىك ورگاندارمەن، حالىقارالىق قارجى ۇيىمدارىمەن، نارىق قاتىسۋشىلارىمەن جانە ساراپشىلارمەن تالقىعا ءتۇسىپ، سودان كەيىن قازاقستان رەسپۋبليكاسىندا ورتالىق بانكتىڭ سيفرلىق ۆاليۋتاسىن كەزەڭ-كەزەڭىمەن ەنگىزۋ بويىنشا پيلوتتىق جوبا ىسكە اسىرىلادى.

CBDC تەحنولوگياسى ەل اۋماعىندا تولەمدەردىڭ تيىمدىلىگى مەن قولجەتىمدىلىگىن ودان ءارى جەتىلدىرۋ ءۇشىن قولما-قول اقشامەن جانە قولما-قول اقشاسىز تولەمدەردىڭ ارتىقشىلىقتارىن بىرىكتىرۋگە ءتيىس. بۇل رەتتە سيفرلىق ۆاليۋتا تولەم ينفراقۇرىلىمىن ءارتاراپتاندىرۋعا ارنالعان. پيلوتتىق كەزەڭنىڭ قورىتىندىسى بويىنشا CBDC قىتايدا، جاپونيادا، كانادادا جانە ەۋروپالىق وداق ەلدەرىندە تەستىلەۋدەن وتۋدە. CBDC رەسمي دەڭگەيدە ەنگىزۋ رەسەي فەدەراسياسىندا قاراستىرىلىپ جاتىر.