مەملەكەت باسشىسى دەنساۋلىق ساقتاۋ مينيسترلىگىنە قاراعاندىلىق اڭسار نۇرجانوۆتى ەمدەۋدى تاپسىردى. بۇل تۋرالى دەنساۋلىق ساقتاۋ ءمينيسترى الەكسەي سوي facebook پاراقشاسىندا جازدى.
ديۋشەننىڭ بۇلشىقەت ديستروفياسىمەن اۋىراتىن بالانىڭ فۋتبولشى كريشتيانۋ رونالدۋعا حات جازىپ، كومەك سۇراعانى باق-تا جاريالانعان. اقپاراتتارعا نازار سالعان توقايەۆ دەنساۋلىق ساقتاۋ مينيسترلىگىنە اڭساردى ەمدەۋ شارالارىن تاپسىردى.
ءمينيستردىڭ مالىمەتىنشە، اڭساردى ەمدەۋگە قاراعاندى وبلىسى دەنساۋلىق ساقتاۋ باسقارماسىنىڭ باسشىسى كەلىستى.
"مەملەكەت باسشىسى قاسىم-جومارت كەمەل ۇلى توقايەۆ اڭساردىڭ اناسىنىڭ باق-تا كومەك سۇراعانىنا نازار اۋداردى. مەن اسەلمەن (بالانىڭ اناسى) تەلەفون ارقىلى سويلەستىم. بۇدان كەيىن ەمدەۋ ءىسىنىڭ قالاي بولاتىنىن تالقىلادىق. قاراعاندى وبلىسى دەنساۋلىق ساقتاۋ باسقارماسىنىڭ باسشىسى بۇگىن كەزدەسىپ، اڭساردى ەمدەۋ بويىنشا كومەكتەسۋگە كەلىستى. ونىڭ ساۋىعىپ كەتۋىن تىلەيمىز" دەپ جازدى مينيستر.
پىكىر قالدىرۋ