جەلتوقسان-قاڭتار ايلارىندا كارانتين شارالارى قاتاڭداتىلادى. بۇل تۋرالى دەنساۋلىق ساقتاۋ ءمينيسترى الەكسەي سوي حابارلادى.
– اپتا سايىن دەرەكتەردى تالداۋ جانە بولاشاق جاعدايلاردى بولجاۋ جۇرگىزىلەدى. قازىرگى ۋاقىتتا وزگەرىپ كەلە جاتقان سەناريي بويىنشا جەلتوقسان-قاڭتار ايلارىندا كارانتين شارالارىن كۇشەيتۋ كەرەگىن كورىپ وتىرمىز. بارلىعى دا ءقازىر جاعدايدى قانشالىقتى باسقاراتىنىمىزعا بايلانىستى بولادى، – دەدى ول.
مينيستر جاعداي باقىلاۋدا ەكەنىن، الاڭداۋدىڭ قاجەتى جوعىن اتاپ ايتتى.
– جاعدايدى باقىلاپ وتىرامىز جانە ءبىز اپتا سايىن بولجامداردى جاڭارتىپ وتىرامىز. ءبىراق كوروناۆيرۋس ينفەكسياسىن جۇقتىرعانداردىڭ كوبەيىپ جاتقانىن دا كورىپ وتىرمىز. ول بولا بەرەدى. ەڭ باستىسى، ءبىز جاعدايدى باقىلاي الىپ وتىرمىز. سىزدەر ءقازىر اۋرۋحانالار مەن جۇقپالى اۋرۋلار اۋرۋحانالارىنىڭ 22 پايىزى عانا تولىقتىرىلعانىن بىلەسىزدەر. رەانيماسيا توسەگىنىڭ 17 پايىزى بوس ەمەس. بىزدە قوسالقى قۇرام بار. ءقازىر جاعداي باقىلاۋدا تۇر. الاڭداۋدىڭ قاجەتى جوق. بارلىعىن باقىلاپ وتىرمىز، – دەدى سوي.
پىكىر قالدىرۋ