29 قاراشا، جەكسەنبى كۇنى قوستاناي وبلىسىنىڭ باس مەملەكەتتىك سانيتارلىق دارىگەرى ۆلاديمير نەچيتايلو ايماقتاعى قاتاڭ كارانتين شارالارىن تاعى ءبىر اپتاعا ۇزارتاتىن جاڭا قاۋلىعا قول قويدى. قاۋلى قوستاناي وبلىسى سانيتارلىق-ەپيدەميولوگيالىق باقىلاۋ دەپارتامەنتىنىڭ سايتىندا جاريالاندى.

قاۋلىداعى شارالار 2020 جىلعى 07 جەلتوقسان ساعات دەيىن كۇشىندە بولادى. بۇعان دەيىن قوستاناي وبلىسىنىڭ باس سانيتار دارىگەرى وڭىردەگى شەكتەۋلەردى 30 قاراشاعا دەيىن ۇزارتقان بولاتىن.

قۇجاتقا سايكەس، ايماقتا تاكسي 22.00-دەن 06.00-گە دەيىن جۇرە المايدى. جۇرگىزۋشىلەر مەن جولاۋشىلار مىندەتتى تۇردە بەتپەردە كيۋى كەرەك.

سونداي-اق فۋدكورت، بانكەت زالدارى، اكۆاپارك، تەرموپارك قىزمەتىنە تىيىم سالىنعان.

ءدىني وبەكتىلەردىڭ (مەشىتتەر، شىركەۋلەر، سوبورلار، سيناگوگالار)، مادەنيەت وبەكتىلەرىنىڭ (جەكە، توپتىق دايىندىقتار)، كىتاپحانالاردىڭ، مۋزەيلەردىڭ، تەاترلاردىڭ قىزمەتى توقتاتىلدى.

قالاارالىق جولاۋشىلار قوعامدىق كولىگىنىڭ (اۆتوبۋستار، شاعىن اۆتوبۋستار، تاكسي) جۇرۋىنە تىيىم سالىنادى.

ازىق-تۇلىك دۇكەندەرىنىڭ، ونىڭ ىشىندە شاعىن ماركەتتەردىڭ، سۋپەرماركەتتەردىڭ، گيپەرماركەتتەردىڭ قىزمەتىنە تەك 08.00-دەن 21.00-گە دەيىن، ال ءدارىحانالاردىڭ جۇمىسىنا شەكتەۋسىز رۇقسات ەتىلەدى.