پاكىستان پرەمەر-مينيسترى يمران حان پەدوفيلدەر مەن جىنىستىق زورلىق-زومبىلىق جاساۋشىلاردى حيميالىق كاستراسيالاۋ تۋرالى زاڭدى ماقۇلدادى. بۇل تۋرالى بريتانيالىق The Sun گازەتى جازدى.
پاكىستان ۇكىمەتى ءالى ەشقانداي رەسمي مالىمدەمە جاساماعانىمەن، شەشىم فەدەرالدى ۇكىمەت وتىرىسى كەزىندە قابىلداندى.
– ءبىز ءوز ازاماتتارىمىز ءۇشىن ءقاۋىپسىز ورتانى قامتاماسىز ەتۋىمىز كەرەك، – دەگەن پاكىستان پرەمەرى.
اقپاراتقا سايكەس، زاڭ جوباسى سونىمەن قاتار ايەلدەردىڭ پوليسياداعى ءرولىن ارتتىرادى، كۋاگەرلەردى قورعاۋدى جاقسارتادى.
يمران حان "زورلاۋدان امان قالعاندار شاعىمداردى قورىقپاي تىركەي الادى جانە ولاردىڭ جەكە باسى جاڭا زاڭناماعا سايكەس قورعالاتىن بولادى" دەپ قوستى.
ەلدىڭ اقپارات ءمينيسترى شيبلي فاراز "فەدەرالدىق كابينەت زورلاۋعا قارسى قاۋلىلاردى ماقۇلدادى، ولار زورلاۋدىڭ نەگىزگى انىقتاماسىن وزگەرتەدى جانە توپتىق زورلاۋ مەن زورلاۋشىلاردى دارعا اسۋ سياقتى قاتاڭ جازالاۋدى ۇسىنادى" دەپ مالىمدەدى.
پاكىستان سەناتىنىڭ مۇشەسى فەيسال دجاۆەد حان "بالالار مەن ايەلدەرگە زورلىق-زومبىلىق كورسەتەتىندەرگە قاتىستى زاڭ جوباسى جاقىندا پارلامەنت ماقۇلداۋىمەن جۇزەگە اسىرىلادى" دەدى.
قىركۇيەك ايىندا سەناتور تۆيتتەردە "جابايى اڭدار" ءۇشىن "ەڭ قاتاڭ جازا" بولاتىنىن جانە كاستراسياعا قولدانىلاتىنىن جازعان.
پاكىستاندا جىل سايىن شامامەن 1000 ايەل ماحاببات پەن نەكەگە قاتىستى ءداستۇرلى نورمالاردى بۇزعانى ءۇشىن "داڭقتى ءولتىرۋ" دەگەن اتپەن ولتىرىلەدى.
قازىرگى كەزدە ەلدە زورلاۋشىلارعا 10 جىلدان 25 جىلعا دەيىن باس بوستاندىعىنان ايىرۋ نەمەسە ءولىم جازاسى تاعايىندالادى.
توپتىق زورلاۋ ءۇشىن نە ءولىم جازاسى، نە ءومىر بويىنا باس بوستاندىعىنان ايىرۋ جازاسى كەسىلەدى.
پىكىر قالدىرۋ