دەنساۋلىق ساقتاۋ مينيسترلىگى وتكەن تاۋلىكتە كوروناۆيرۋستان 7، كوروناۆيرۋس بەلگىلەرى بار پنيەۆمونيادان 3 ادام قايتىس بولعانىن حابارلادى.

مينيسترلىك دەرەگىنەن ۆيرۋس جۇقتىرعاندار سانى كۇن ساناپ ءوسىپ بارا جاتقانىن بايقاۋعا بولادى. 28 قاراشادا 826 ناۋقاس كوروناۆيرۋسپەن، 164 ادام پنيەۆمونيامەن تىركەلگەن.

قازاقستاندا COVID-19 انىقتالعان العاشقى كۇننەن بۇگىنگە دەيىن 130 865 كوروناۆيرۋس جۇقىرۋ جاعدايى تىركەلگەن. ونىڭ ىشىندە 2027 ادام ولگەن. 1 تامىزدان باستاپ جۇرگىزىلگەن پنيەۆمونيا ستاتيستيكاسىنا سايكەس، وسى كۇنگە دەيىن 42 104 ادامنان پنيەۆمونيا انىقتالعان. 443 ادام قايتىس بولعان.

قازىرگى ۋاقىتتا 12 651 ادام كوروناۆيرۋستان ەم قابىلداۋدى جالعاستىرۋدا. ولاردىڭ اراسىندا 895 بالا بار.

ستاسيونارلاردا 3 392 ناۋقاس جاتىر. 9 259 ادام امبۋلاتوريالىق جاعدايدا ەمدەلۋدە. ناۋقاستاردىڭ اراسىندا 214 ادامنىڭ احۋالى ناشار. سونىڭ ىشىندە 32 ناۋقاستىڭ احۋالى اسا قاتتى اۋىر دەپ باعالانۋدا. 32 ناۋقاس وكپەنى  جاساندى جەلدەتۋ اپپاراتىندا جاتىر.