جۇڭگو باسشىسى اسكەرلەردى شيەلەنىس ءورشىپ تۇرعان كەزدە سوعىسقا دايىندالۋعا شاقىرادى. سي سزينپين جۇڭگو حالىقتىق-ازاتتىق ارمياسىنىڭ گەنەرالدارىنا ولاردىڭ قولباسشىلىعىنداعى ەكى ميلليون جاساقتىڭ جەكە قۇرامى ناقتى ۇرىس جاعدايىنا دايىندىقتان ءوتۋى كەرەكتىگىن ايتتى.
ول بەيجىڭدەگى قىتايدىڭ ورتالىق اسكەري كوميسسياسىنا بارعان كەزدە ولارعا "قيىندىقتان قورىقپاڭدار"، "ولىمنەن قورىقپاڭدار" جانە "سوعىسقا دايىن بولىڭدار" دەپ بۇيىردى.
بۇعان دەيىن ۆاشينگتون اسكەري كۇشتەرىنىڭ ەلىكتەمەلى قۇرلىقارالىق بالليستيكالىق زىمىراندى اتىپ ءتۇسىرىپ، بەيجىڭگە ناقتى ەسكەرتۋ جاساعانى حابارلانعان.
دەيلي مەيل باسىلىمىنىڭ اقپاراتىنا سايكەس، ول ارميانى "قيىندىققا توزۋگە، ميسسيانىڭ جاۋاپكەرشىلىگىن كۇشەيتۋگە، اسكەري دايىندىقتىڭ وزگەرۋى مەن جاڭارۋىن تەزدەتۋگە" شاقىردى.
قاتەرلى ۇندەۋ بەيجىڭنىڭ اقش، تايۆان، وڭتۇستىك جۇڭگو تەڭىزىندەگى قارسىلاستارىمەن جانە گيمالايداعى داۋلى شەكاراداعى شيەلەنىسى كۇشەيگەن كەزدە ايتىلدى.
بەيجىڭدىك اسكەري ساراپشى چجوۋ چەنمينگتىڭ سوزىنە قاراعاندا، جۇڭگو باسشىسىنىڭ ءسوزى اسكەري كۇشتەردى تانكتەرمەن، اۆياسيامەن جانە اسكەري كەمەلەرمەن بىرگە جوعارى تەحنولوگيالىق قارۋ-جاراق پەن جابدىقتارمەن تانىستىرۋ ءۇشىن ايتىلعان.
پىكىر قالدىرۋ