ازەربايجاننىڭ الەۋمەتتىك جەلىلەرىندە كەلبادجار شەكاراسىندا، دالىرەك ايتقاندا سول ايماقتاعى التىن كەنىشتىڭ جانىندا ازەربايجان مەن ارميان قارۋلى كۇشتەرىنىڭ بەتبە-بەت كەلىپ تۇرعانى كورىنگەن ۆيدەو تارادى. بۇل تۋرالى aze.az سايتى حابارلادى.
تاۋلى قاراباقتىڭ كەلبادجار ايماعى ازەربايجانعا قايتارىلعاننان كەيىن جاڭا مەملەكەتتىك شەكارا قانداي بولاتىنى انىق كورسەتىلگەن.
بۇعان دەيىن قاراباق قاقتىعىسىنىڭ اياقتالعانى تۋرالى حابارلانعان. ارمەنيا پرەمەر-مينيسترى نيكول پاشينيان ازەربايجان پرەزيدەنتى يلحام الييەۆ جانە رەسەي پرەزيدەنتى ۆلاديمير پۋتين تاۋلى قاراباقتا اسكەري ارەكەتتەردى توقتاتۋ تۋرالى كەلىسىمگە قول قويدى. كەلىسىمگە سايكەس، رەسەيدىڭ بىتىمگەرلىك كۇشتەرى تاۋلى قاراباققا كىرگىزىلگەن.
وسىلايشا ءۇش ەلدىڭ اراسىندا بولعان كەلىسىم بويىنشا لاچين، اگدام، كەلبادجار اۋداندارى ازەربايجانعا قايتارىلىپ، باسقىنشى اسكەر ايماقتان شىعارىلادى.
پىكىر قالدىرۋ